દુષ્કૃત્યથી બાળકીએ બાળકીને જન્મ વલસાડ હોસ્પિટલમાં આપ્યો હતો
(વર્તમાન પ્રવાહ વાપી બ્યુરો)
વાપી, તા.02: ધરમપુરના ગ્રામ્ય વિસ્તારમાં સગા બાપે વારંવાર 11 વર્ષિય પૂત્રી ઉપર બળાત્કાર ગુજારી ગર્ભવતી બનાવનાર બાપ ઉપર ધરમપુર પોલીસમાં ફરિયાદ નોંધાવી હતી. જે સ્પે.પોસ્કો કોર્ટ ધરમપુરમાં ચાલેલા કેસમાં નામદાર ન્યાયાધિસે ડી.જી.પી. અનિલ ત્રિપાઠીની દલીલો ગ્રાહ્ય રાખીને આરોપી નરાધમ બાપને અંતિમ શ્વાસ સુધીની આજીવન જેલની સજા ફટકારતો ચૂકાદો આપ્યો હતો.
ધરમપુરના ગ્રામ્ય વિસ્તારમાં નાદાન 11 વર્ષની બાળકી સાથે સગો બાપ વારંવાર દુષ્કૃત્ય કરતો રહેલો. ત્યારબાદ બાળકીને ગર્ભ રહી જતા વલસાડ સિવિલમાં 13મા વર્ષે દાખલ કરેલી ત્યારે એક બાળકીનો જન્મ થયેલો. પોલીસે આ કેસની ચાર્જસીટ કોર્ટમાં રજૂ કર્યા બાદ ચાલેલી સુનાવણીમાં નામદાર સ્પે.પોસ્કો જજ એમ.એ. દેસાઈએ ડી.જી.પી. અનિલ ત્રિપાઠીનીદલીલો ગ્રાહ્ય રાખીને આરોપી બાપને આજીવન જેલની સજા અને દંડ ફટકારતો ચૂકાદો આપ્યો હતો. તેમજ સી.ડબલ્યુ.સી., ચાઈલ્ડ યુનિટને બાળકીની દેખભાળ કરવાનો હૂકમ કર્યો હતો. અચરજ પમાડતી હકીકત આ કેસમાં એ બહાર આવી હતી કે ભોગ બનનાર બાળકી અને માતાએ પિતાની તરફેણ કરી હતી. તેમ છતાં કોર્ટે કેસના સઘળા પાસા ધ્યાને લઈ અંતિમ ન્યાય ચુકાદો આપ્યો હતો.
