(વર્તમાન પ્રવાહ ન્યુઝ નેટવર્ક)
સેલવાસ, તા.16 : સેલવાસના આમલી મંદિર ફળિયામાં સ્માર્ટ સીટી પ્રોજેક્ટ અંતર્ગત સીવરેજ લાઈન, ટેલિફોન લાઈન, ગેસ લાઈન લાખવા માટેની કામગીરી ચાલી રહી છે જેના માટેવારંવાર રસ્તાની આજુબાજુ ખોદકામ કરવામાં આવી રહ્યું છે જેના કારણે વારંવાર પાલિકા દ્વારા નાખવામાં આવેલ પાણીની લાઈનો તુટી રહી છે તેના કારણે છેલ્લા બે દિવસથી આમલી મંદિર ફળીયા વિસ્તારમાં પીવાના પાણીની સમસ્યા ઉભી થઈ રહી છે.
નવાઈની વાત તો એ છે કે આજ વિસ્તારમાં પાલિકાની કચેરી આવેલી છે છતાં પણ જે પાણીની લાઈન તુટેલી છે એને રીપેર કરવામાં નથી આવી રહી જેના કારણે હજારો લીટર પાણી વ્યર્થ વહી રહ્યું છે. આ તરફ નગરપાલિકા નજર દોડાવે એ ખુબ જરૂરી છે.