હ ન્યુઝ નેટવર્ક)
સેલવાસ, તા.23: દાદરા નગર હવેલીના નરોલી પંચાયત ખાતે રોટરી ક્લબ ઓફ દાનહ, આદિત્ય એનજીઓના સહયોગ દ્વારા ‘સ્વચ્છતા હી સેવા’ પખવાડિયા અંતર્ગત નિઃશુલ્ક આઈ ચેકઅપ શિબિરનું આયોજન કરવામાં આવ્યું હતું. આ કાર્યક્રમનો શુભારંભ દીપ પ્રાગટય કરી કરવામાં આવ્યો હતો. આ કેમ્પમાં આંખની તપાસ બાદ જેઓને મોતિયા બિંદ હોય તેઓને રોટરી આઈ ઈન્સ્ટિટયૂટ નવસારી ખાતે મફત ઓપરેશન કરવામાં આવશે અને જેઓના નંબર આવ્યા હોય તેઓને મફત ચશ્માનું પણ વિતરણ કરવામાં આવ્યું હતું. આ કેમ્પનો મોટી સંખ્યામાં ગ્રામજનોએ ભાગ લીધો હતો.
આ અવસરે આદિત્ય એનજીઓના પ્રમુખ શ્રીમતી જુલીબેન સોલંકી, ભાજપા મંડળ પ્રમુખ શ્રી યોગેશસિંહ સોલંકી, રોટરી ક્લબ દાનહના પ્રતિનિધિ શ્રી વિરલસિંહ રાજપૂત સહિત ગ્રામજનો ઉપસ્થિત રહ્યા હતા.