(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.24: ટોબેકો ફ્રી યુથ ચેમ્પિયન 2.0 અંતર્ગત આરોગ્ય શાખા દ્વારા ફડવેલની એચ.ડી સાર્વજનિક હાઈસ્કૂલમાં યોજાયેલા સેમિનારમાં જિલ્લા તમાકુ નિયંત્રણ સેલના બ્રિજલબેન ટંડેલ તથા ફડવેલ પીએચસીની ટીમ દ્વારા તમાકુથી આરોગ્ય પર થતી ઘાતક અસર તેમજ તમાકુ-સિગરેટ વિરોધી એક્ટ-2003ની જોગવાઈનું સખત અમલીકરણ કરવામાં આવે તથા તમાકુના સેવનથી થતા નુકસાન અંગે ઉપસ્થિત વાલીઓ, શિક્ષકો અને વિદ્યાર્થીઓને માહિતી આપવામાં આવી હતી.
આ દરમ્યાનયોજવામાં આવેલી વક્તૃત્વ સ્પર્ધામાં જય પટેલ, રાધા પટેલ અને આયુષી પટેલને ઈનામ કીટ આપવામાં આવી હતી. આ સેમિનારના અંતમાં લોક જાગૃતિ માટે તમાકુથી થતા નુકસાનીના સૂત્રો સાથે વિશાળ રેલી યોજવામાં આવતા તેમાં શાળાના શિક્ષકો ઉપરાંત તાલુકા સભ્ય મહેશભાઈ, સરપંચ પતિ હરીશભાઈ સહિતના આગેવાનો જોડાયા હતા.
આ સમગ્ર કાર્યક્રમનું સંચાલન ફડવેલ પીએચસીના સુપરવાઈઝર અરૂણભાઈ અને તેમની ટીમ દ્વારા કરાયું હતું.
