(વર્તમાન પ્રવાહ ન્યુઝ નેટવર્ક)
વલસાડ, તા.07: NCERT નવી દિલ્હીના NPEP વિભાગ દ્વારા અને GCERT ગાંધીનગર પ્રેરિત તથા વલસાડ જિલ્લા શિક્ષણ અને તાલીમ ભવન, રાયખડ-અમદાવાદ દ્વારા આયોજિત રાજ્ય કક્ષાની રોલ પ્લે સ્પર્ધામાં ધરમપુરના માલનપાડાની મોડેલ સ્કૂલે પ્રથમ ક્રમ પ્રાપ્ત કર્યો હતો. રોલ પ્લે સ્પર્ધાના ધોરણ ૯ના વિદ્યાર્થીઓમાં પ્રિયાંશી ચૌધરી, યેશા પટેલ, વિભા પટેલ, હર્ષિદા ચૌધરી અને શાલિની ગુપ્તાએ પાત્રો ભજવ્યા હતાં. હવે આ કૃતિ રાષ્ટ્રીય કક્ષાએ વલસાડ જિલ્લાનું પ્રતિનિધિત્વ કરશે. મોડેલ સ્કૂલના આચાર્ય અને સ્ટાફે વિજેતા ટીમને અભિનંદન પાઠવ્યા હતા.
