(વર્તમાન પ્રવાહ ન્યુઝ નેટવર્ક)
સેલવાસ, તા.27
દાદરા નગર હવેલી સમાજ કલ્યાણ વિભાગ દ્વારા સહાયક ઉત્પાદન કેન્દ્ર એએલઆઈસીઓ જબલપુર સાથે સહયોગમાં ભારત સરકારની રાષ્ટ્રીય વ્યોશ્રી સહાયક યોજના હેઠળ 30 સપ્ટેબર અને 1લી ઓકટોબરના રોજ વરિષ્ઠ નાગરિકો માટે દાનહમાં સહાયક ઉપકરણોના મૂલ્યાંકન માટે શિબિરનું આયોજન કરવામા આવશે.
સ્થળ સામરવરણી પંચાયત હોલમાં 30મી સપ્ટેમ્બરના રોજ સવારે 10.00 વાગ્યાથી સાંજે 4.00 વાગ્યા દરમ્યાન અને બરોડા રૂરલ સેલ્ફ એમ્પ્લોયમેન્ટ ટ્રેનિંગ ઇન્સ્ટિટયૂટ, દુધની રોડ, ખાનવેલમાં 1લી ઓક્ટોબરના રોજ સવારે 10.00 વાગ્યાથી સાંજે 4.00 વાગ્યા દરમ્યાન શિબિરનું આયોજન કરવામા આવેલ છે.
જોકોઈ વરિષ્ઠ નાગરિક પાસે નિર્ધારિત દસ્તાવેજ જેવા કે આધારકાર્ડ અથવા આવક પ્રમાણપત્ર નહી હોય તો આ શિબિર દરમ્યાન અરજી કરી શકે છે.
