સંઘપ્રદેશ દાનહ અને દમણ-દીવ ભાજપ મહિલા મોરચાના પ્રમુખ સિમ્પલબેન ટંડેલ (કાટેલા), રાષ્ટ્રીય કારોબારી સભ્ય અને ડીએમસી પ્રમુખ સોનલબેન પટેલ, ભાજપ મહિલા મોરચાના મહામંત્રી દીપાલી શાહ અને પુષ્પાબેન પટેલ ઉપસ્થિત રહ્યા
તા.26 અને 27 સપ્ટેમ્બર બે દિવસીય કારોબારી તમામ રાજ્યો અને સંઘપ્રદેશોની મહિલા સંગઠનોએ રજૂ કરેલા રિપોર્ટ કાર્ડ
(વર્તમાન પ્રવાહ ન્યુઝ નેટવર્ક)
દમણ, તા.27
સંઘપ્રદેશ દાદરા અને નગર હવેલી અને દમણ અને દીવ મહિલા મોરચાની ટીમે દેવભૂમિ ઉત્તરાખંડની રાજધાની દહેરાદૂનમાં આયોજિત ભાજપ મહિલા મોરચાની રાષ્ટ્રીય કારોબારીની બેઠકમાં ભાગ લીધો હતો. આ ટીમમાં સંઘપ્રદેશ દાદરા અને નગર હવેલી અને દમણ-દીવ ભાજપ મહિલા મોરચાના પ્રમુખ શ્રીમતી સિમ્પલબેન ટંડેલ (કાટેલા), રાષ્ટ્રીય કારોબારી સભ્ય અને દમણ નગર પાલિકાના પ્રમુખ શ્રીમતી સોનલબેન પટેલ, ભાજપ મહિલા મોરચાના મહામંત્રી દીપાલી શાહ અને પુષ્પાબેન પટેલ ઉપસ્થિત રહ્ય હતા.
ભાજપ મહિલા મોરચાની આરાષ્ટ્રીય કારોબારીમાં તમામ રાજ્યો અને સંઘપ્રદેશોના મહિલા સંગઠનોએ પોતાના રિપોર્ટ કાર્ડ રજૂ કર્યા હતા.
વધુ મળતી માહિતી અનુસાર આ અવસરે ભાજપના આગામી કામોની માહિતી પણ આપવામાં આવી હતી. આ કારોબારી બેઠકમાં પોષણ અભિયાન, મહિલાઓ અને બાળકો માટે કેન્દ્રની યોજનાઓ, મહિલા મોરચાની નીતિ અને સંશોધન, આઝાદીના અમળત મહોત્સવ, મોરચાના મીડિયા અને ઇન્ટરનેટ મીડિયા એકમની ભૂમિકા સહિત અન્ય વિષયો પર ચર્ચાઓ કરવામાં આવી હતી.