વાપી પાસેના એક ગામમાં 23 વર્ષિય યુવતિ સાથે શારિરીક સબંધો રાખી લગ્નનો ઈન્કાર કરતા ઈરફાન નઈમ ચૌધરી સામે ફરિયાદ
(વર્તમાન પ્રવાહ વાપી બ્યુરો) વાપી, તા.24
વાપી વિસ્તારમાં અવાર-નવાર લવ જેહાદના કિસ્સા પ્રકાશમાં આવતા રહેલા છે. તેવો વધુ એક કિસ્સો વાપી પાસેના એક ગામમાં બન્યો છે. ગામમાં રહેતા વિધર્મી યુવક સામે શારિરીક ભોગ બનનાર 23 વર્ષિય યુવતિએ પોલીસ ફરીયાદ નોંધાવી હતી.
વાપી નજીક આવેલ એક ગામમાં પરપ્રાંતિય પરિવારની 23 વર્ષિય યુવતિ જ્યોતિ (નામ બદલેલ છે) ને ગામમાં રહેતા વિધર્મી યુવક મોહંમદ ઈરફાન નઈમ ચૌધરી સાથે પ્રેમ સબંધ બંધાયો હતો. ઈરફાને સમયાંતરે જ્યોતિને દમણ તેમજ આસપાસના સ્થળોએ ફરવા લઈ જતો અને શારિરીક સબંધ બાંધતો રહેલો, યુવતીને લગ્નની લાલચ આપતો રહેલો. બાદમાં લગ્નનો ઈન્કાર કરી દેતા યુવતિએડુંગરા પોલીસ મથકમાં ઈરફાન નઈમ ચૌધરી વિરૂધ્ધ ફરિયાદ નોંધાવી છે. પોલીસે ઈરફાનની અટક કરી છે. કોરોના રિપોર્ટ આવ્યા બાદ કાયદેસરની ધરપકડ કરવામાં આવશે.