-
ખરડપાડા ગામેથી એક કંપની નજીક રોકડા પાંચ લાખ રૂપિયા પણ ઝડપી પાડયા
(વર્તમાન પ્રવાહ ન્યુઝનેટવર્ક)
સેલવાસ, તા.06
દાદરા નગર હવેલીમાં લોકસભાની પેટા ચૂંટણી માટે ફલાઈંગ સ્ક્વોડ ટીમ બનાવવામા આવી છે જેઓ દ્વારા તપાસ દરમ્યાન એક્સાઇઝ વિભાગની ટીમના સહયોગ દ્વારા ગાંધીગ્રામ વિસ્તારમાં રેડ પાડી 93420 રૂપિયાનો ગેરકાયદેસર દારૂનો જથ્થો અને બે ગાડી જેની કિંમત 8.50 લાખ રૂપિયા મળી કુલ 943420 રૂપિયા કબ્જે કરી અંડર સેકશન 5, સેક્શન 8 દાનહ અને ડીડી ડયુટી રેગ્યુલેશન 2020 રૂલ્સ 25 મુજબ ફરિયાદ નોંધી આગળની તપાસ હાથ ધરી છે.
બીજા કિસ્સામાં ફલાઈંગ સ્ક્વોડ ટીમ દ્વારા ગાડીઓની ચેકીંગ ચાલી રહી હતી ત્યારે પ્રિન્સ પાઇપ કંપની ખરડપાડા નજીક એક ગાડીમાંથી પાંચ લાખ રૂપિયા રોકડા મળી આવ્યા હતા. જેને સીઝડ કરી સેલવાસ પોલીસ સ્ટેશનમાં સોપવામા આવ્યા છે. આગળની વધુ તપાસ સેલવાસ પોલીસ કરી રહી છે.
