આજે સત્તાવાર રીતે સ્થિતિ સ્પષ્ટ બનશેઃ ભાજપ તરફથી મહેશ ગાવિત, શિવસેનાના કલાબેન ડેલકર અને કોંગ્રેસના ઉમેદવાર તરીકે મહેશ ધોડીના નામની જાહેરાત
(વર્તમાન પ્રવાહ ન્યુઝ નેટવર્ક)
સેલવાસ, તા.07
લોકસભાની દાદરા નગર હવેલી બેઠકની પેટા ચૂંટણીમાં ભાજપ, શિવસેના અને કોંગ્રેસ વચ્ચે ત્રિપાંખિયો જંગ જામવાનું નિﾍતિ બન્યું છે. આજે ભાજપ તરફથી શિક્ષિત નવયુવાન અને દાનહના છેવાડેના જંગલ વિસ્તારના શ્રી મહેશ ગાવિતને ટિકિટ આપવામાં આવી છે. જ્યારે શિવસેનાએ શ્રીમતી કલાબેન ડેલકર ઉપર પોતાની મહોર મારી છે. કોંગ્રેસ તરફથી શ્રી મહેશ ધોડીના નામ ઉપર મત્તુ મરાવાનું હોવાનું જાણવા મળે છે.
આવતી કાલે ઉમેદવારી પત્રક ભરવાનો અંતિમ દિવસ હોવાથી તમામ ઉમેદવારો આવતી કાલે પોતાની દાવેદારી નોંધાવશે.
આજના નાટકિય ઘટનાક્રમમાં ભાજપ મોવડી મંડળે દાદરા નગર હવેલી લોકસભાની પેટા ચૂંટણી માટે વહેલી પરોઢે શ્રી મહેશ ગાવિતના નામની જાહેરાત કરતા સસ્પેન્શ ઉપરથી પડદો હટી ગયો હતો. ત્યારે સ્વ. સાંસદ શ્રી મોહનભાઈ ડેલકરના વિધવા શ્રીમતી કલાબેન ડેલકર, સુપુત્ર શ્રી અભિનવ ડેલકર તથાસમર્થકોએ મહારાષ્ટ્રના મુખ્યમંત્રી શ્રી ઉદ્ધવ ઠાકરે તથા સાંસદ શ્રી સંજય રાઉત સાથે મુલાકાત કરી શિવસેનાની ટિકીટ પાકી કરી હતી. જ્યારે કોંગ્રેસ તરફથી શ્રી મહેશ ધોડી કે જેઓ પણ આઈ.આર.બી.માં પી.એસ.આઈ. તરીકે ફરજ બજાવી ચુક્યા છે.
દાદરા નગર હવેલી લોકસભાની બેઠક માટેની પેટા ચૂંટણીમાં ત્રિપાંખિયો જંગ જામવાના સ્પષ્ટ એંધાણ વચ્ચે પ્રદેશના લોકોની દિવાળી પણ સુધરવાની હોવાનું દેખાય રહ્યું છે.
