દિવાળી તહેવારોમાં રાજકારણ ગરમાશે
(વર્તમાન પ્રવાહ વાપી બ્યુરો)
વાપી, તા.01
વાપી નગર પાલિકાની ગુજરાત ચૂંટણીપંચ દ્વારા સામાન્ય ચૂંટણી જાહેર કરવામાં આવતા રાજકારણમાં દિવાળી ટાંણે જ ગરમાટો આવી જવા પામ્યો છે. વાપી નગર પાલિકામાં હાલ 44 પૈકી 41 નગર સેવકો ભાજપના છે. અગામી સામાન્યચૂંટણીમાં વ્યૂહરચના એવી ઘડવામાં આવી રહી છે કે ભાજપ 44માંથી 44 બેઠક મેળવી પાલિકાનો ગઢ જીતી શકે તો બીજી તરફ કોંગ્રેસ માટે સીધી ચઢાણ છે. ચૂંટણી લડવા માટે ઉમેદવારોની શોધ કરવી પડશે.
વાપી નગરપાલિકાની જાહેર થયેલ સામાન્ય ચૂંટણી અનુસાર ર8 નવેમ્બરે મતદાન યોજાશે. જ્યારે 30 નવેમ્બરેના રોજ મત ગણતરી હાથ ધરવામાં આવશે. આજે ચૂંટણી પંચ દ્વારાજાહેરાત કરવાની સાથે જ આચાર સંહિતા પણ અમલી બનશે. આવતીકાલે વિધિવત જાહેરાત થઈ જશે. ઉમેદવારી ભરવાની તારીખ, ઉમેદવારીપત્રોની ચકાસણી અને અંતિમ ઉમેદવારોની જાહેરાત કવાયત શરૂ થઈ જશે. જોકે ભાજપ થનગનાટમાં છે. પાલિકાની 44 પૈકી 44 બેઠક કબજે કરશે તેવો જાહેરમાં દાવો થઈ ચૂક્યો છે.