(વર્તમાન પ્રવાહ ન્યુઝ નેટવર્ક)
સેલવાસ, તા.01
દાદરા નગર હવેલીના ગલોન્ડા અને કૌચા પંચાયતમાં સભ્યની સીટ ખાલી હોવાને કારણે પેટા ચૂંટણી યોજાઈ હતી. ગલોન્ડા પંચાયતમાં વોર્ડ નંબર 3માં ટોટલ 659 મતદારોમાંથી 595 લોકોએ મતદાન કર્યું હતું. 1 વોટ નોટામાં પડયો હતો.
અહીં ભારતીય જનતા પાર્ટીના અને શિવસેનાના ઉમેદવારો ઉભા હતા. જેમાં શિવસેનાના ઉમેદવાર વિજય કિનરીએ 177 મતની લીડથી જીત મેળવી હતી.
કૌંચા પંચાયતમાં વોર્ડ નંબર 6માં કુલ 590 મતદારોમાંથી 527 લોકોએ મતદાન કર્યું હતું અને અહીં નોટામાં 9 વોટ પડયા હતા.
કૌંચા પંચાયતમાં વોર્ડ નં.6માં પાર્ટી ભારતીય જનતા પાર્ટી, શિવસેના અને લોકજન શક્તિ પાર્ટીના 3 ઉમેદવારો ઉભા હતા. સોમવારના રોજ સેલવાસ સચિવાલય હોલ ખાતે મત ગણતરી બાદ કૌંચા પંચાયતના વોર્ડ નંબર 6ના શિવસેનાના ઉમેદવાર શ્રી રઘુભાઈ દોડે 82 મતની લીડથી વિજય મેળવ્યો હતો. વિજેતા બનેલ બન્ને ઉમેદવારો પોતાના સમર્થકો સાથે શિવસેનાના પ્રદેશ પ્રમુખ શ્રી અભિનવ ડેલકર અને લોકસભા ચૂંટણીના ઉમેદવાર શ્રીમતી કલાબેન ડેલકરને મળવા પહોચ્યા હતા.
પંચાયત સભ્યની ચૂંટણીનાપરિણામ બાદ શિવસેનાના પદાધિકારીઓમાં ખુશીની લાગણી જોવા મળી હતી.
