-
દમણ-દીવના નાગરિકોને ‘પ્રશાસન આપ કે દ્વાર’ની તર્જ ઉપર ‘પોર્ટૂગલ આપ કે દ્વાર’નો થતો અનુભવ
-
21મી નવેમ્બરથી ર8મી નવેમ્બર સુધી કોસ્યુલેટ દ્વારા પોર્ટુગલ સીટીજન કાર્ડ રિન્યુઅલ, પોર્ટુગલ પાસપોર્ટ રિન્યુઅલની સાથે સાથે કાર્ડ અને પાસપોર્ટ કલેક્શનનું કાર્ય થશે
(વર્તમાન પ્રવાહ ન્યુઝ નેટવર્ક)
દીવ, તા.18
દીવમાં પોર્ટુગલ એજેન્સીએ સાત દિવસીય કેમ્પનું આયોજન કરેલ હોવાની માહિતી પ્રાપ્ત થઈ છે.
પ્રાપ્ત માહિતી અનુસાર અગામી તા. ર1ની નવેમ્બરથી ર8મી નવેમ્બર સુધી ગોવા સ્થિત પોર્ટુગલ એજેન્સી દ્વારા સાત દિવસનું મેગા કેમ્પ દીવમાં યોજાનાર છે. આ કેમ્પમાં પોર્ટુગલ સીટીજન કાર્ડ રિન્યુઅલ, પોર્ટુગલ પાસપોર્ટ રિન્યુઅલની સાથે સાથે કાર્ડ અને પાસપોર્ટ કલેક્શનનું કામ પણથશે. સાથે સાથે પ્રોવિજનલ પાસપોર્ટ માટેની અરજી પણ આ કેમ્પમાં આપવામાં આવશે
અત્રે યાદ રહે કે, પોર્ટુગલ એજેન્સી દીવ અને દમણમાં સમય સમય પર જ્યાં પોર્ટુગલ સમયના મૂળ રહેવાસીઓ માટે પોર્ટુગલ સિટીજનશીપ અને પોર્ટુગલ પાસપોર્ટ માટે આ પ્રકારનું આયોજન કરવામાં આવે છે. જેમાં દમણ-દીવના નાગરિકોને ‘પ્રશાસન આપ કે દ્વાર’ની તર્જ ઉપર ‘પોર્ટૂગલ આપ કે દ્વાર’નો અનુભવ થાય છે.
