(વર્તમાન પ્રવાહ વાપી બ્યુરો) વાપી, તા.22
વાપી તાલુકા કક્ષાના ખેલ મહાકુંભમાં સ્વામિનારાયણ ગુરુકુળ સલવાવની ત્રણ ટીમ વિજેતા બની ઝહળતી સિદ્ધિ હાંસલ કરી છે.
વાપી સેન્ટ ફ્રાન્સિસ હાઈસ્કૂલ ખાતે વાપી તાલુકા કક્ષાની ખેલ મહાકુંભ સ્પર્ધાનુ આયોજન થયું હતું. જેમાં તાલુકાની 12 શાળાના ખેલાડીઓએ ભાગ લીધો હતો. જેમાં શ્રી સ્વામિનારાયણ ગુરુકુળ સલવાવ સંચાલિત શ્રી ઘનશ્યામ વિદ્યામંદિર સલવાવના અન્ડર 14 ભાઈઓની ટીમ પ્રથમ ક્રમે વિજેતા બની હતી. અન્ડર 14 બહેનોની ટીમ પણ આજ શાળાની બીજા ક્રમે વિજેતા બની હતી. જ્યારે અન્ડર 17 ભાઈઓની ટીમ શ્રી સ્વામિનારાયણ સીબીએસસી સ્કૂલ સલવાવની ટીમે બીજો ક્રમ મેળવ્યો હતો. આમ એક જ સંસ્થાની ત્રણ ટીમ વિજેતા બની હતી. તમામ ખેલાડીઓને તાલીમ પીટી શિક્ષક ધવલ પટેલ તથા પ્રિયંક પટેલે અને શિલ્પા સિંહએ આપી હતી. વિજેતા ખેલાડીઓને સંસ્થાના મેનેજીંગ ટ્રસ્ટી પૂ.કપિલ સ્વામીજી, ડાયરેક્ટર શ્રી હિતેનભાઈ ઉપાધ્યાય ડાયરેક્ટર શ્રી ડોક્ટર શૈલેષ લુહાર, આચાર્ય શ્રી ચંદ્રવદન પટેલ તથા આચાર્ય શ્રીમતી મિનલબેન દેસાઈએ અભિનંદન પાઠવ્યા હતા અને જિલ્લામાં આવી જ સિદ્ધિ હાંસલ કરે તેવી શુભેચ્છા પાઠવી હતી.