(વર્તમાન પ્રવાહ ન્યુઝનેટવર્ક)
દમણ, તા.23
ગત તા.રર/11/ર0ર1ના રોજ રાજીવ કુમાર લખેન્દ્ર રાય, (ઉ.વ.44), (રહે. દુણેઠા નાની દમણ, મૂળ રહે. મજહોલી, પોસ્ટ/થાના-બેલસર, જિલ્લા-વૈશાલી બિહાર) કોલેજ રોડની પાસે એક સાઈડ ઉપર પાર્ક કરેલ ટેન્કરની પાસે બેભાન હાલતમાં મળી આવ્યો હતો. જે અંગેની જાણકારી પીસીઆર વેનને મળતા તેમણે તાત્કાલિક 108 એમ્બ્યુલન્સ બોલાવી સારવાર માટે સરકારી હોસ્પિટલ મરવડ, નાની દમણ ખાતે મોકલવામાં આવ્યો હતો. પરંતુ ફરજ પરના તબીબે ચેક કર્યા બાદ રાજીવ કુમાર લખેન્દ્ર રાયને મૃત જાહેર કર્યો હતો. જેના અનુસંધાનમાં નાની દમણ પોલીસે આકસ્મિક મોતનો ગુનો નોંધી અંડર સેક્શન 174 સીઆરપીસી હેઠળ ગુનો દાખલ કરી આગળની તપાસ હાથ ધરી હતી.