(વર્તમાન પ્રવાહ ન્યુઝ નેટવર્ક)
ચીખલી, તા.07
ચીખલી તાલુકામાં 63 જેટલી ગ્રામ પંચાયતની ચૂંટણીને લઈને રાજકીય માહોલ ગરમાવા પામ્યો છે. તાલુકા મથકે વિવિધ ગામોમાંથી ઉમેદવારો પોતાના સમર્થકો સાથે ઉમેદવારી નોંધાવી હતી. ત્યારે ચીખલી તાલુકામાં ઉમેદવારી પત્રક ખેંચવાના અંતિમ દિવસે હોન્ડ ગામના અગ્રણી કલ્પેશભાઈ દેસાઈના અથાક પ્રયત્નો વચ્ચે ઉમેદવારી પત્રક પરત ખેંચવાના અંતિમ દિવસે તાલુકાની એક માત્ર હોન્ડ ગ્રામ પંચાયત સમરસ બનતા સરપંચ પદે શ્રી દિપકભાઈ સુરેશભાઇ રાઠોડ બિનહરીફ વિજેતા જાહેર થયા હતા. આ પ્રસંગે હોન્ડ ગામના ઉપ સરપંચ શ્રી રસિકભાઈ લાડ, માજી સરપંચ શ્રી મનોજભાઈ હળપતિ, શ્રી સુમનભાઈ હળપતિ, ભાજપ પ્રમુખ શ્રી મયંકભાઈ પટેલ સહિતના આગેવાનો તથા શુભેચ્છકોએ શુભેચ્છા પાઠવી હતી.
હવે આગામી 19મી ડિસેમ્બરના રોજ તાલુકાની બાકીની 62 ગ્રામ પંચાયત માટે ચૂંટણીનો જંગ જામશે. જેની મત ગણતરી 21 ડિસેમ્બરના રોજ થશે.