(વર્તમાન પ્રવાહ વાપી બ્યુરો)
વાપી, તા.07
વલસાડ જિલ્લાની 334 ગ્રામ પંચાયતોની ચૂંટણી યોજાઈ રહી છે. જેમાં સોમવારે ફોર્મ ચકાસણી પ્રક્રિયા હાથ ધરાઈ હતી. તેમાં સરપંચ પદ માટે 9 ઉમેદવારી ફોર્મ અને સભ્ય માટેના ર4 ઉમેદવારી ફોર્મ રદ થયા છે. ચૂંટણીમાં સરપંચ અને 1310 અને સભ્ય માટે 6530 ઉમેદવારી ફોર્મ શનિવારે અંતિમ દિવસ સુધીમાં ભરાયા હતા.
ગુજરાત રાજ્યમાં 10 હજાર ઉપરાંત ગ્રામ પંચાયતોની ચૂંટણી યોજાઈ રહી છે. તે સાથે વલસાડ જિલ્લાની 334 ગ્રામ પંચાયતોની ચૂંટણી યોજાનાર છે. જેમાં શનિવારે ફોર્મ ભરવાના અંતિમ દિવસ સુધીમાં સરપંચ માટે કુલ 1310 ઉમેદવારી ફોર્મ ભરાયા હતા. જ્યારે વોર્ડ સભ્ય માટે કુલ 6530 ઉમેદવારી ફોર્મ ભરાયા હતા. સોમવારે ફોર્મ ચકાસણી પ્રક્રિયા હાથ ધરાઈ હતી. જેમાં સરપંચના 9 અને સભ્યોના 24 ફોર્મ રદ થયા હતા. તેથી સરપંચ માટે ચિત્ર ઉપસ્યું હતું. અલબત મંગળવારે ઉમેદવારી ફોર્મ પરત ખેંચવાની અંતિમ તારીખ હોવાથી મંગળવારે સરપંચ કે સભ્યોના કેટલા ફોર્મ પરત ખેંચાયા તે પછી જ ચૂંટણી ચિત્ર સ્પષ્ટ થશે તે પછી પ્રચાર અને ગ્રામ્ય વિસ્તારમાં ચૂંટણીયો માહોલ છવાઈ જશે.
