(વર્તમાન પ્રવાહ ન્યુઝ નેટવર્ક)
ચીખલી,તા.08
ચીખલી તાલુકામાં વંકાલ હાઈસ્કૂલ અને મલિયાધરા પ્રાથમિક શાળાનો એક-એક એમ બે વિદ્યાર્થીઓ કોરોના પોઝેટીવ આવતા આરોગ્ય વિભાગ દોડતું થયું હતું.પરિવાર તથા સહવિદ્યાર્થીઓના સેમ્પલો લેવાની અને સંબંધિત વર્ગખંડ બંધ કરવાની તજવીજ હાથ ધરી હતી.
પ્રાપ્ત વિગત મુજબ મજીગામ ડેરા ફળીયાની રહીશ 15-વર્ષીય વિદ્યાર્થીની વંકાલ હાઈસ્કૂલમાં ધોરણ-10માં અભ્યાસ કરે છે. જેને તાવ અને માથું દુઃખવાની તકલીફ બાદ કોરોનાનો રિપોર્ટ પોઝેટીવ આવતા હોમ આઇસોલેટ કરી સારવાર શરૂ કરાઇ હતી. આ ઉપરાંત મલિયાધરા પ્રાથમિક શાળામાં ધોરણ-8 નો 13-વર્ષીય વિદ્યાર્થીને પણ શરદી, ઉધરસ અને તાવના લક્ષણ બાદ રિપોર્ટ પોઝિટિવ આવતા આરોગ્ય વિભાગ દ્વારા હોમ આઇસોલેટકરવામાં આવ્યો હતો. ઉપરાંત વિદ્યાર્થી મલિયાધરા ગામનો જ રહીશ પણ છે.
આરોગ્ય વિભાગ દ્વારા ઉપરોક્ત બંને વિદ્યાર્થીઓના સહ વિદ્યાર્થીઓ,સ્ટાફ અને પરિવારજનોના સેમ્પલ લેવાની અને તેમની શાળાના ધોરણ-10 અને 8 ક્લાસરૂમો બંધ કરવાની તજવીજ હાથ ધરી હતી.
