(વર્તમાન પ્રવાહ વાપી બ્યુરો)
વાપી, તા.08
ગુજરાતમાં દારૂ ઘૂસાડવા માટે ખેપીયા અને બુટલેગરોની હરકતો અટકતી નથી. તેવો વધુ બનાવ ગત રાત્રે અતુલ ફસ્ટ ગેટ પાસે બન્યો હતો. પોલીસ ચેકીંગ જોઈને દમણથી કારમાં દારૂનો જથ્થો ભરી જઈ રહેલ બુટલેગર પોલીસના હાથે ઝડપાઈ ગયો હતો.
પ્રાપ્ત વિગતો મુજબ અતુલ ફસ્ટ ગેટ પાસે રૂરલ પોલીસ વાહન ચેકીંગ કરી રહી હતી તે દરમિયાન વાપી તરફથી સ્કોડા કાર નં. જીજે-21 એમ-6755 ને પોલીસે અટકાવવા જતા ચાલકે કાર ઉભી નહીં રાખી ભગાડી મૂકી હતી. પોલીસે કારનો પીછો કરતા કારચાલક સર્વિસ રોડ પકડીને ખેરગામ રોડ તરફ ભાગી રહ્યો હતો પરંતુ ડરને લઈને કાર ઝાડ સાથે ભટકાઈ જતા કાર ઉભીથઈ ગઈ હતી. તેથી ચાલક દોડવા લાગેલો પણ પોલીસે દબોચી લીધો હતો. કાર ચેકીંગ કરતા 600 બોટલ દારૂ (કિંમત 36 હજાર) મળી આવ્યો હતો. પોલીસે કાર તથા દારૂનો જથ્થો મળી કુલ રૂ.2.36 લાખનો મુદ્દામાલ જપ્ત કરીને કારચાલક રાજન અમૃતસિંહ ઉપર ગુનો નોંધી વધુ તપાસ હાથ ધરી હતી.
