કુહાડીના ઘા કરનારો મુખ્ય આરોપી મોહંમદ સઈદ હજુ પણ પોલીસ પહોંચથી બહારઃ નાનો ભાઈ પકડાયો
(વર્તમાન પ્રવાહ વાપી બ્યુરો)
વાપી, તા.09
સમગ્ર વાપી વિસ્તારને ઝકઝોળી નાખનારો નિર્દય હત્યાકાંડ ગત તા.04ને શનિવારના રોજ હાઈવે ચાર રસ્તા નજીક બોસ્ટન ટી સ્ટોલ ની સામે સાંજના સુમારે આંતિરક અદાવતમાં એક યુવાન ઉપર ઉપરા-ઉપરી કુહાડીના ઘા કરીને મોતને ઘાટ ઉતારી દેવાયો હતો.
આ હત્યાકાંડની પોલીસ તપાસમાં પ્રથમ બે આરોપી ઝડપાયા હતા. ગતરોજ વધુ એક ત્રીજો આરોપી પોલીસે દબોચી લીધો છે. મુખ્ય આરોપીની શોધ પોલીસ કરી રહી છે.
ઉત્તર પ્રદેશમાં 20 દિવસ પહેલાં થયેલ પારિવારીક ઝઘડાની અદાવત રાખીને ગત શનિવારે વાપી હાઈવે ચાર રસ્તા નજીક આવેલ બોસ્ટન ટી-સ્ટોલ સામે સલામત શેખ નામના યુવાનની કુહાડીના ઘા મારીને સરેઆમ હત્યા કરી દેવાઈ હતી.
હત્યારા આરોપીઓ મામા-ફોઈના સગા-વ્હાલા જ હતા. આ પ્રકરણમાં પોલીસે પ્રથમ મૃતકના બનેવી મોહંમદ અનવર ઉર્ફે મુન્ની ઈબ્રાહીમને તેના નાના પુત્ર સાથે પોલીસે ઝડપી લીધો હતો. ત્યારબાદ બીજો 17 વર્ષિયપુત્રને પોલીસે ગતરોજ ઝડપી પાડયો છે.
હજુ મુખ્ય આરોપી મોહંમદ સઈદ જેણે કુહાડીથી હુમલો કર્યો હતો તે પોલીસ પહોંચથી બહાર છે. પોલીસે તેને પકડવા ચક્રો ગતિમાન કર્યા છે.
