(ફૈઝાન ફારૂક સિદી) (વર્તમાન પ્રવાહ ન્યુઝ નેટવર્ક) દીવ, તા.09
દીવમાં બપોરે 1.00 કલાકે બુચરવાડા ફાટક તડ ચેક પોસ્ટ પાસે ખાનગી માલિકોની જગ્યામાં ગેરકાયદેસર બાંધકામ કરેલ હોય જેને જેસીબીની મદદથી ડિમોલેશન કરવામાં આવ્યું હતું.
આ ખાનગી માલિકીની જમીનમાં સાત માલિકો ચીના ભગવાન ચાવડા, નથુડીબેન ચીના, બાબુભાઈ ભગવાન, દેવજીસોમાં, વાલજી સોમાં, જયંતીલાલ સોમાં અને જાનકીબેન છે. કુલ જમીન 575 સ્ક્વેર મીટર છે. આ ડિમોલેશનની પ્રક્રિયા બાદ સાઉડવાડી પંચાયત વિસ્તારમાં વડલી માતા સ્કૂલની સામે ફોફ્રીવાડીમાં નરેન્દ્ર બાપા લોધારીની 180 સ્ક્વેર મીટર જમીનમાં ત્રણ મીટર જેટલું ડિમોલેશન કર્યું હતું.
માલિકે મકાન બાંધકામની પરવાનગી માંગેલ પરંતુ તેને પરવાનગી મળેલ નહિ, કેમકે સેન્ટર રોડથી 18 મીટર દુર બાંધકામ કરવાનું હતું. પરંતુ મકાન માલિકે નિયમ મુજબ ત્રણ મીટર જમીન છોડેલ નહી. જેના કારણે ત્રણ મીટરમાં થયેલ બાંધકામને જેસીબીની મદદથી તોડી પાડવામાં આવ્યું હતું.
