પોલીસે 16 કિ.ગ્રા. ગાંજા સાથે નિશાન સાહેલ અલી અને અમન શિબ્બુ તુરી બંને રહે હાલ લવાછાની અટક
(વર્તમાન પ્રવાહ ન્યુઝ નેટવર્ક)
સેલવાસ, તા.02
વાપી ઉદ્યોગનગર પોલીસે રવિવારે નેશનલ હાઈવે ખોડીયાર હોટલ પાસે સર્વિસ રોડ ઉપરથી 1.60 લાખના ગાંજાના જથ્થા સાથે બે આરોપીઓને ઝડપી પાડયા હતા.
પ્રાપ્ત વિગતો અનુસાર નેશનલ હાઈવે વાપી ખોડીયાર પાસે સર્વિસ રોડ ઉપરથી પોલીસે શંકાસ્પદ જણાતા બે ઈસમોની તપાસ હાથ ધરી હતી. જેમાં થેલીમાં રાખેલ 15.998 કિગ્રા ગાંજાનો જથ્થો મળી આવ્યો હતો. 1,59,980ની કિંમતના ગાંજાના જથ્થા સાથે પોલીસે નિશાલ સાહેબ અલી મૂળ રહે યુપી તથા અમન શિલ્લુ તુરી રહે બિહાર પરંતુ બંને આરોપી હાલ લવાછાની એક ચાલીમાં રહે છે. તેવું તપાસમાં બહાર આવ્યું હતું. પોલીસે ગાંજાના મુદ્દામાલ જપ્ત કરી એન.ડી.પી.એસ સંકટ હેઠળ ગુનો દાખલ કર્યો હતો.
વધુ તપાસ પી.આઈ.વી.જી.ભરવાડના માર્ગદર્શન હેઠળ પી.એસ.આઈ.ડી.એલ.વસાવા ચલાવી રહેલ છે. કાર્યવાહીમાં પોલીસ સ્ટાફ ચિંતામન લક્ષ્મણભાઈ, બિપીનભાઈ, જયરામ પ્રફુલભાઈ, શાંતિલાલ વગરે સામેલ હતા.
