(વર્તમાન પ્રવાહ ન્યુઝ નેટવર્ક)
પારડી, તા.13
પારડી એજ્યુકેશન સોસાયટી સંચાલિત એન.કે. દેસાઈ સાયન્સ એન્ડ કોમર્સ કોલેજમાં ઇન્ટર કલાસ સ્પોર્ટ્સ એન્ડ સાંસ્કૃતિક વિકની શરૂઆત કરવામાં આવી છે. જેમાં તારીખ : 11/12/2021 ‘નિબંધ લેખન’ નું આયોજન કરવામાં આવ્યું હતું.
કોલેજના વિદ્યાર્થીઓમાં રહેલી શક્તિઓને હરીફાઈ દ્વારા બહાર લાવી તેઓને આગળ વધારવામાં મદદરૂપ બનવાના હેતુથી આ સ્પર્ધાઓનું આયોજન કરવામાં આવ્યું છે જેમાં વિજેતા તરીકે પ્રથમ ક્રમે-સંકેત એસ.ખરડે, બીજા ક્રમે – નિકિતાએ હળપતિ અને શિવાંગી ચૌબે ત્રીજા ક્રમે- તનિષા નંદા. આ સમગ્ર વિજેતાઓનેકોલેજ દ્વારા આગળ ઉપર યુનિવર્સિટી કક્ષાએ મોકલવામાં આવશે.
આ સમગ્ર આયોજન કોલેજના પ્રો.આકાંક્ષા પટેલ દ્વારા કરવામાં આવ્યું હતું. સફળ આયોજન બદલ કોલેજના આચાર્ય ડો. હર્ષાવતી પટેલ અને કેમ્પસ ડાયરેકટર શ્રી દીપેશભાઈ શાહ દ્વારા વિજેતાઓને અભિનંદન પાઠવવામાં આવ્યા હતા.