November 30, 2025
Vartman Pravah
Breaking Newsવલસાડ

તા.૧૮મી ડિસેમ્‍બરે કપરાડા તાલુકામાં કોવિડ-૧૯ રસીકરણ મેગા ડ્રાઇવ માટે ૨૫ હજારથી ડોઝ ઉપલબ્‍ધ કરાશે

વલસાડ તા.૧૬:

કોરોનાની મહામારીમાં કોરોના જેવા ગંભીર રોગથી બચવા હાલ કોવિડ-૧૯ ૨સીક૨ણ જ એક માત્ર ઉત્તમ ઉપાય છે. કોરોના સામે લડવાની શક્‍તિમાં વધારો કરી શકાય તે માટે ૧૮ કે તેથી વધુ ઉંમરનાં તમામ નાગરિકોએ કોરોના વિરોધી રસી લેવી જરૂરી છે. હાલની સ્‍થિતિએ વલસાડ જિલ્લામાં પ્રથમ ડોઝ તથા બીજા ડોઝની કામગીરીમાં ઉત્તરોતર વધારો થઇ રહયો છે.

તા. ૧૮/૧૨/૨૦૨૧ નાં રોજ કપરાડા તાલુકામાં કોરોના સુરક્ષાચક્ર સલામત કરવા ખાસ કોવિશિલ્‍ડ અને કોવેક્‍સીન રસીક૨ણ મેગા ડ્રાઇવ કરવાનું આયોજન કરવામાં આવ્‍યુ છે. જેમાં પ્રથમ ડોઝનાં બાકી રહેલા તમામ તથા જે વ્‍યક્‍તિએ કોવેક્‍સીનનો પ્રથમ ડોઝ લીધેલ હોય અને ૨૮ દિવસ પુર્ણ થયા હોય તેમજ કોવિશિલ્‍ડનો પ્રથમ ડોઝ લીધો હોય અને ૮૪ દિવસ પુર્ણ થયા તેવા લાભાર્થીઓને લાભ લેવા માટે જિલ્લા વહીવટીતંત્ર અને આરોગ્‍ય તંત્ર દ્વારા અનુરોધ કરવામાં આવ્‍યો છે. આ મેગા ડ્રાઇવ માટે કપરાડા તાલુકામાં કોવિડ -૧૯ ૨સીક૨ણ ૨૫ હજારથી વધુ લાભાર્થીઓ માટે ડોઝ ઉપલબ્‍ધ કરાવાયો છે.

આ રસીક૨ણ માટે લોકોમાં જાગૃતતા લાવી રસીકરણનો વ્‍યાપ વધારવા માટે પંચાયત વિભાગ, પ્રાથમિક શિક્ષણ, આઇ.સી.ડી.એસ. તેમજ ખાનગી હોસ્‍પિટલો અને સ્‍વૈચ્‍છિક સંસ્‍થાઓ પણ આ મેગા ડ્રાઇવમાં જોડાશે. વધુમાં વલસાડ ખાતે આવેલી કંપનીઓમાં કોવિડ-૧૯ રસીક૨ણના બીજા ડોઝ માટે વધુ કર્મચારીઓ બાકી હોય અને તેમને કંપની ખાતે રસીકરણ કેન્‍દ્રની જરૂર જણાય તો વલસાડ જિલ્લા આરોગ્‍ય તંત્રનો સંપર્ક સાધવા જણાવાયું છે.

તા. ૧૮/૧૨/૨૦૨૧ને શનિવારના રોજ કપરાડા તાલુકાનાં અંદાજીત ૭૫ થી વધુ કોવિડ-૧૯ ૨સીક૨ણ કેન્‍દ્રો જેવા કે, સબસેન્‍ટરો, પ્રા.આ.કેન્‍દ્રો, આંગણવાડી કેન્‍દ્રો, સામુહિક આરોગ્‍ય કેન્‍દ્ર ખાતે ૨૫ હજારથી વધુ લાભાર્થીઓને કોવિડ-૧૯ ૨સીક૨ણથી સુરક્ષિત ક૨વાનું આયોજન હાથ ધરવામાં આવનાર હોય, પાત્રતા ધરાવતાં લાભાર્થીઓ વધુમાં વધુ લાભ લઇ પોતે, પોતાના પરિવા૨ તથા સમાજને સુરક્ષિત કરવા માટે જિલ્લા કલેક્‍ટર તથા જિલ્લા વિકાસ અધિકારી વલસાડ દ્વારા અપીલ ક૨વામાં આવી છે.

ઉપરોક્‍ત કોવિડ- ૧૯ વેક્‍સિનેશન સેન્‍ટરોની યાદી જિલ્લા પંચાયત, વલસાડની વેબ સાઇટ ઉપર પણ ઉપલબ્‍ધ કરવામાં આવી હોવાનું મુખ્‍ય જિલ્લા આરોગ્‍ય અધિકારી, વલસાડ દ્વારા જણાવાયું છે.

Related posts

સંઘપ્રદેશ પ્રશાસન દ્વારા ખાનવેલના ભગતપાડામાં વિશેષ રેવન્‍યુ શિબિરનું કરાયું આયોજન

vartmanpravah

વાપી જીઆઈડીસીના પોકેટ ગાર્ડનો દુર્દશાગ્રસ્‍તઃ કંપનીઓ દ્વારા દત્તક લેવામાં આવેલા ગાર્ડનની સાર સંભાળ વિસરાઈ

vartmanpravah

દાદરા નગર હવેલીમાં ચાર ઇંચથી વધુ વરસાદ વરસ્‍યો

vartmanpravah

વાપી હાઈવે ઉપર કાર અકસ્‍માતમાં રાષ્‍ટ્રીય રાજપૂત કર્ણી સેના દમણના અધ્‍યક્ષ કનકસિંહ જાડેજાનું નિધન

vartmanpravah

વલસાડના પ્રભારી અને રાજ્‍યકક્ષાના વન પર્યાવરણ મંત્રી મુકેશભાઈ પટેલની અધ્‍યક્ષતામાં જિલ્લા આયોજન મંડળની બેઠક મળી

vartmanpravah

દાદરા નગર હવેલીમાં 01 કોરોના પોઝિટિવ કેસ નોંધાયો

vartmanpravah

Leave a Comment