સુખાલા પંચાયત સરપંચ તરીકે શંકરભાઈ પટેલ ચૂંટણી લડયા હતા
(વર્તમાન પ્રવાહ વાપી બ્યુરો)
વાપી, તા.22
વલસાડ જિલ્લાની ગ્રામ પંચાયતોની ચૂંટણીમાં કપરાડાના સુખાલા ગામે સરપંચના ઉમેદવાર તરીકે દાનહ સેલવાસના સાંસદ કલાબેન ડેલકરના પિતાશ્રી શંકરભાઈ પટેલ ચૂંટણી લડયા હતા. મંગળવારે જાહેર થયેલ ચૂંટણી પરિણામમાં સરપંચ તરીકે શ્રી શંકરભાઈ જીવલાભાઈ પટેલ ભારે બહુમતિથી વિજેતા બન્યા હતા.
વાપી નજીક આવેલ સુખાલા ગામ સ્વ.સાંસદ મોહનભાઈ ડેલકરની સાસરીનું ગામ છે તેમજ વર્તમાન સાંસદ કલાબેન ડેલકરનું પિયર છે. તેમના પિતાશ્રી શંકરભાઈ પટેલ સુખાલા ગામના સરપંચ તરીકે ચૂંટણી લડયા હતા અને વિજેતા થયા છે. સ્થાનિક ગ્રામજનો અને આગેવાનોનો ઉત્સાહ બેવડાયો હતો. તેમને શુભેચ્છા આપી ગ્રામજનોએ વિજયના વધામણા કર્યા હતા.
