વલસાડઃ તા.૨૯ : રાજય સરકાર દ્વારા ગુડ ગવર્નન્સ ડે ઉજવણીના ભાગરૂપે સુશાસન અઠવાડિયુ અંતર્ગત વિવિધ કાર્યક્રમો યોજવામાં આવી રહયા છે. આ ઉજવણીના ઉપલક્ષમાં શ્રમ, કૌશલ્ય વિકાસ અને રોજગાર વિભાગ હેઠળ આવતા ખાતાની કચેરીઓની વિવિધ પ્રવૃત્તિઓનો સમાવેશના ભાગરૂપે જિલ્લા રોજગાર કચેરી વલસાડ, આઈ.ટી.આઈ પારડી તેમજ શ્રમ યુક્ત વલસાડ ના સંયુક્ત ઉપક્રમે વલસાડ જિલ્લામાં તા.૩૦/૧૨/૨૦૨૧ ના રોજ સવારે ૯-૩૦ વાગે મોરારજી દેસાઈ ઓડીટોરીયમ હોલ ને.હા.નં.૪૮, કિલ્લા પારડી ખાતે મુખ્યમંત્રીશ્રીના અધ્યક્ષ સ્થાને ઓનલાઈન પ્રસારણ કાર્યક્રમ તેમજ જિલ્લા પ્રભારીમંત્રી તથા પદાધિકારીઓના વરદહસ્તે ગુડ ગવર્નન્સ ડે કાર્યક્રમનું આયોજન કરવામાં આવ્યું છે. આ કાર્યક્રમમાં ઉમેદવારો અને નોકરીદાતાઓ હાજર રહી રોજગાર/ એપ્રેન્ટીસ એનાયતપત્ર વિતરણ કરાશે, એમ જિલ્લા રોજગાર અધિકારી દ્વારા જણાવાયું છે.