સરપંચ સ્મિત માહ્યાવંશી અને એનિમલ રેસ્ક્યુ ટીમની ઉમદા કામગીરી
(વર્તમાન પ્રવાહ વાપી બ્યુરો)
વાપી, તા.21: વાપી બલીઠા વેસ્ટ કબ્રસ્તાનની પાછળ આવેલ 9 લાખ લીટરની પાણીની ટાંકીમાં પડી ગયેલ શ્વાનનું રેસ્ક્યું કરીને ઉગારી લેવાની માનવતાની કામગીરીગઈકાલે સાંજના કરવામાં આવી હતી.
બલીઠા વેસ્ટ કબ્રસ્તાન પાસે પંચાયતની 9 લાખ લીટરની કેપેસીટી વાળી પાણીની ટાંકી આવેલ છે. જેની સફાઈ કરવા ગયેલ સફાઈ કામદાર મહેબુબભાઈએ ટાંકીમાં શ્વાનને જોઈ ગયા હતા તેથી તેમણે સરપંચ સ્મિત માહ્યાવંશીને ઘટનાની જાણ કરી હતી. સરપંચએ વાપી એનિમલ રેસ્ક્યુ ટીમના વર્ધમાન શાહને કરી હતી. રેસ્ક્યુ ટીમ ઘટના સ્થળે ધસી આવી હતી અને કલાકોની જહેમત ઉઠાવીને શ્વાનને આબાદ રીતે ઉગારી લેવાયો હતો.