November 30, 2025
Vartman Pravah
Breaking Newsગુજરાતવલસાડ

આઇ.સી.ડી.એસ અને આરોગ્‍ય વિભાગના સંયુકત ઉપક્રમે સુશાસન દિવસની ઉજવણી કરાઇ

લાભાર્થીઓને મહાનુભાવોના હસ્‍તે પોષણ કીટ વિતરણ તેમજ આરોગ્‍ય મોબાઈલ વાનનું લોકાર્પણ કરાયું

વલસાડઃ તા.૨૯ : વલસાડ જિલ્લામાં સુશાસન દિવસની ઉજવણી અંતર્ગત આઇ.સી.ડી.એસ અને આરોગ્‍ય વિભાગના સંયુકત ઉપક્રમે સુશાસન દિવસની ઉજવણી આંબેડકર ભવન, વલસાડ ખાતે કરવામાં આવી હતી. જેમાં આઇ.સી.ડી.એસ.ના લાભાર્થીઓને તેમજ કાર્યકરોને મહાનુભાવોના હસ્‍તે પોષણ કીટ વિતરણ કરવા ઉપરાંત કપરાડા અને ધરમપુર તાલુકાની બે આરોગ્‍ય મોબાઈલ વાન (મોબાઈલ હેલ્‍થ યુનિટ)નું લોકાર્પણ કરવામાં આવ્‍યું. પોષણ કીટમાં અમુલ ઘી, દેશી ચણા, મગ, તુવેર દાળ, ગોળ, શીંગ દાણાનો સમાવેશ કરવામાં આવ્‍યો હતો.

આ અવસરે ધારાસભ્‍ય ભરતભાઇ પટેલે આરોગ્‍ય અને પોષણની સેવા બાબતે જરૂરી માર્ગદર્શન આપી રાજ્‍ય સરકારે આરોગ્‍ય ક્ષેત્રે અમલી બનાવેલી વિવિધ યોજનાઓની જાણકારી આપી હતી.

આ કાર્યક્રમમાં મહિલા બાળ યુવા પ્રવૃતિ સમિતિના અધ્‍યક્ષ રંજનબેન પટેલ, આઇસીડીએસના જિલ્લા પ્રોગ્રામ અધિકારી જ્‍યોત્‍સનાબેન પટેલ, મુખ્‍ય આરોગ્‍ય અધિકારી અનિલભાઇ પટેલ, આરસીએચઓ, વલસાડ તેમજ જિલ્લાના તમામ બાળ વિકાસ યોજના અધિકારીઓ, વલસાડ તાલુકાના મુખ્‍ય સેવિકા, આંગણવાડી કાર્યકરો અને સગર્ભા, ધાત્રી બહેનો હાજર રહયા હતા.

સમગ્ર કાર્યક્રમનું સુત્ર સંચાલન પારડી-૨ના બાળ વિકાસ યોજના અધિકારી દ્વારા કરવામાં આવ્‍યું હતું.

Related posts

મૃતક વ્‍યક્‍તિના વાલી/વારસો, સગાં-સંબંધીઓએ પોલીસ સ્‍ટેશનનો સંપર્ક કરવો

vartmanpravah

વાપી રેલવે સ્‍ટેશન ઉપર ચાલુટ્રેનમાં ચઢવા જતા પડી ગયેલા મુસાફરનો દેવદૂત બની કોન્‍સ્‍ટેબલે જીવ બચાવ્‍યો

vartmanpravah

વલસાડ આઈટીઆઈ ખાતે ‘હોમ આયા’ કોર્સની કલેક્‍ટરશ્રી ક્ષિપ્રા આગ્રે શરૂઆત કરાવી

vartmanpravah

વાપી પોદાર ઈન્‍ટરનેશનલ સ્‍કૂલમાં કોવિડ-19 વેક્‍સિનેશન થયું

vartmanpravah

વાપી સલવાવ ઘનશ્‍યામ વિદ્યામંદિરનો વિદ્યાર્થી જિલ્લા સ્‍તરની કરાટે સ્‍પર્ધામાં પ્રથમ આવ્‍યો

vartmanpravah

વાપી કરવડ દમણગંગા ઈન્ડસ્ટ્રીયલ પાર્કમાં લાઈટર બનાવતી કંપનીમાં ભીષણ આગ લાગીઃ કામદારોમાં ભાગદોડ મચી

vartmanpravah

Leave a Comment