(વર્તમાન પ્રવાહ ન્યુઝ નેટવર્ક)
સેલવાસ, તા.31
દાદરા નગર હવેલી પોલીસ દ્વારા દારૂ પીને ગાડી ચલાવતા હોય તેવા કેશો ઝડપી પાડી તેઓ સામેગુનો દાખલ કરવામાં આવ્યો છે, થર્ટી ફસ્ટ પર પ્રદેશમાં પોલીસ બંદોબસ્ત ચુસ્ત રાખવામાં આવ્યો હતો, એસપી હરેશ્વર સ્વામીના નેતૃત્વમાં પોલીસ ટીમે વિવિધ સ્થળો પર વાહનોની ચકાસણી કરી હતી.
પ્રાપ્ત વિગત અનુસાર નવાવર્ષની પૂર્વ સંધ્યાએ 31ડિસેમ્બર 2021ના ઉત્સવના અવસરે એસપી અને એસડીપીઓના દેખરેખમાં સમારોહ દરમ્યાન સમાજમાં સ્વસ્થ વાતાવરણ બનાવી રાખવા માટે પર્યાપ્ત પોલીસ વ્યવસ્થા કરવામાં આવી હતી, આ પુરી વ્યવસ્થા ડીઆઈજી વિક્રમજીત સિંગના માર્ગદર્શન હેઠળ રાખવામાં આવી હતી, ટ્રાફિક પોલીસ દ્વારા સેલવાસ અને વિવિધ સ્થળો પર વાહનોની ચકાસણી સાથે નશા સાથે ડ્રાઈવીંગ કરતા લોકોને ઝડપી પાડવા માટે અલગ અલગ જગ્યા પર પોલીસની ટીમો ઉપસ્થિત હતી. સેલવાસમાં નશા સાથે ડ્રાઈવીંગ કરવાના અને ખાનવેલમાં પણ નવા વર્ષના જશ્ન દરમ્યાન શાંતિ બનાવી રાખવા માટે ડિફોલ્ટરો સામે ગુનો દાખલ કરવામાં આવ્યો હતો, સેલવાસમાં વાઈનશોપ પર પણ દારૂની બોટલની ખરીદી માટે લાંબી લાંબી લાઈનો જોવા મળી હતી.
