-
પ્રવાસીઓએ ખરીદદારી પણ ખુબજ ઉત્સાહથી કરતા લાંબા સમયબાદ સ્થાનિકોના ચહેરા ઉપર આવેલી ચમક -
ટૂંક સમયમાં જ પક્ષીઘર પણ શરૂ થવાનું હોવાથી જમ્પોર વિસ્તાર નિરંતર પ્રવાસીઓથી ઉભરાતો રહેશે
(વર્તમાન પ્રવાહ ન્યુઝ નેટવર્ક)
દમણ, તા.02
2022ના પહેલા રવિવારે મોટી દમણના જમ્પોર બીચ ઉપર સહેલાણીઓનો મેળો જામ્યો હતો. સૌથી મોટું આકર્ષણ રામસેતુ બીચ રોડ બન્યો હતો. પ્રવાસીઓએ ખરીદદારી પણ ખુબજ ઉત્સાહથી કરતા સ્થાનિકોના ચહેરા ઉપર પણ લાંબા સમય પછી ખુશી જોવા મળી હતી.
દરમિયાન સહેલાણીઓ અને સ્થાનિકો દ્વારા કોરોના ગાઈડલાઈન્સનું સરેઆમ ઉલ્લંઘન થયું હતું. લોકો બિન્દાસ્ત માસ્ક વગર મજા લેતા હતા. જેની બાબતમાં તકેદારી રાખવી ખુબ જરૂરી છે.
જમ્પોર બીચની બાજુમાં નિર્માણ પામી રહેલ બર્ડ આઈવરી(5ક્ષી સંગ્રહાલય) તૈયાર થઈ ગયા બાદ પ્રવાસીઓ માટે એક ઓર આકર્ષણ વધવાનું છે ત્યારે આ વિસ્તાર પ્રવાસીઓથી નિરંતર ધબકતો રહેશે.
(ફોટો-અહેવાલઃ રાહુલ ધોડી)
