(વર્તમાન પ્રવાહ, ન્યુઝ નેટવર્ક)
વાપી, તા.3
વાપીની શ્રી એલ.જી. હરીયા મલ્ટીપર્પઝ સ્કૂલમાં પંદર વર્ષથી અઢાર વર્ષની વયના વિદ્યાર્થીઓ માટે વેકિસનેશન કેમ્પનું આયોજન કરવામાં આવ્યું હતું. જેમાં પી.એચ.સી. ડુંગરાની ટીમ દ્વારા ધોરણ-9 થી ધોરણ-12 માં અભ્યાસ કરતા 471 વિદ્યાર્થીઓને વેકિસનેશન કરવામાં આવ્યા હતાં. સતત વધતા જતા કોવિડ-19 ના કેસના આધારે વિદ્યાર્થીઓનું વેકિસનેશન કરવામાં આવતા વાલીઓએ પણ રાહત અનુભવી હતી. વિદ્યાર્થીઓને કોવિડ-19 અંગેની માહિતી આપવામાં આવી હતી. કોરોનાથી બચવા માટે જરૂરી નિયમોનું પાલન કરવાની સાથે માસ્ક પહેરવા અને હાથ સેનેટાઈઝ કરવા અંગેની માહિતી આપવામાં આવી હતી.