દિવાકર ઓમ પ્રકાશ મિશ્રા પોલીસને જોઈ જતાં સંતાઈ ગયો હતો
(વર્તમાન પ્રવાહ વાપી બ્યુરો)
વાપી, તા.05
વાપી નજીક કરવડ-તંબાડી ત્રણ રસ્તા પાસે આવેલ દુકાન પાસે પોલીસે એક શંકાસ્પદ ચોરીના ઈરાદે આવેલ યુવકની અટકાયત કરી હતી.
મંગળવારે મળસ્કે પોલીસ નાઈટ પેટ્રોલિંગ કરી રહી હતી ત્યારે તંબાડી ફાટક ત્રણ રસ્તા પાસે આવેલ એક દુકાનમાં કથિત ચોરીના ઈરાદે આંટાફેરા મારી રહેલ 23 વર્ષિય દિવાકર ઓમ પ્રકાશ મિશ્રા નામનો યુવક પોલીસને જોઈ જતાં સંતાઈ ગયો હતો. પોલીસે તેની અટકાયત કરી હતી અને પૂછપરછ કરતા સંતોષકારક જવાબ દિવાકર કરી શક્યો નહીં હતો તેથી પોલીસને શંકા વધુ દૃઢ બની હતી. મૂળ ઉત્તરપ્રદેશ ધુસરા સિદ્ધાર્થનગરના રહેવાસી આ યુવકને ડુંગરા પોલીસ પોલીસ સ્ટેશને પોલીસ સ્ટેશને સાથે લઈ જઈ આગળની કાર્યવાહી હાથ ધરી હતી.