પ્રત્યેક રવિવારે વલસાડમાં ખાસ રવિવારી બજાર યોજાય છે : બહારગામથી પણ વેપારી અને ગ્રાહકો ઉમટે છે
(વર્તમાન પ્રવાહ વાપી બ્યુરો)
વાપી, તા.07
પાછલા ત્રણ દિવસથી વલસાડ જિલ્લા અને વલસાડ વિસ્તારમાં કોરોનાનું સંક્રમણ બેફામ બની રહ્યું છે. જેને અટકાવવા વહીવટી તંત્ર તરફથી એક એક નવા નિયમો આદેશ જાહેર કરવામાં આવી રહ્યા છે. આજે વલસાડ સીટીમાં સ્પેશિયલ રિક્ષા લાઉડ સ્પિકર દ્વારા જાહેર સુચના આપવામાં આવી હતી કે આગામી રવિવારથી વલસાડમાં યોજાતુ રવિવારી બજાર હવે પછીથી બંધ રાખવું એવો કલેક્ટર વલસાડએ હૂકમ જાહેર કરેલ છે.
આમ સામાન્ય માનવીની રોજીંદી નાની નાની ચીજવસ્તુઓની જરૂરીયાત માટે વલસાડમાં સ્પેશિયલ રવિવારી બજાર ભરાય છે. જેમાં દૂર દૂરથી લોકો સામાન ખરીદવા આવતા હોય છે પરંતુ કોરોનામાં થઈ રહેલ બેફામ વધારાને ધ્યાને લઈને જિલ્લા વહિવટી તંત્રએ આગામી રવિવારથી વલસાડમાં યોજાતુ રવિવારી બજાર બંધ રાખવાનો હૂકમ આપ્યો છે તેમજ કોરોનાની ગાઈડલાઈનનું ઉલ્લંઘન કરનારને શિક્ષાત્મક કાર્યવાહી થશે તેવી રિક્ષા લાઉડ સ્પિકરથી આજે જાહેરાત કરવામાં આવી હતી.
