સૌથી વધારે વલસાડ વિસ્તારમાં 120, પારડી-15, વાપી-39, ઉમરગામ-07, ધરમપુર-06, કપરાડા-02
(વર્તમાન પ્રવાહ વાપી બ્યુરો)
વાપી, તા.11
વલસાડ જિલ્લામાં કોરોના બેફામબની રહ્યો છે. મંગળવારે બે સદીના આંકડા નજીક 189 કોરોના પોઝિટીવ કેસ નોંધાયા છે. જે ચિંતાજનક બાબત સર્વે જિલ્લા માટે બની ચૂકી છે. રોજ એવરેજ 100 ઉપર કોરોના કેસો નોંધાતા જાય છે અટકવાનું નામ નથી.
વલસાડ જિલ્લામાં કોરોના સંક્રમણની ત્રીજી લહેર ટોપ ગિયરમાં હોય તેમ તેમ રોજે રોજે નવા વધુને વધુ પોઝિટિવ કેસ સામે આવી રહ્યા છે. આજે મંગળવારે 189 આ સપ્તાહના સૌથી વધુ કેસ નોંધાયા છે. જેમાં વલસાડ વિસ્તાર દરરોજની જેમ અગ્રેસર 120 કેસ, પારડીમાં 15, વાપીમાં 39, ઉમરગામમાં 07, ધરમપુરમાં 06 અને સૌથી ઓછા કપરાડાના 02 કેસ નોંધાયા છે. આજે 39 કોરોનાના દર્દી સાજા થતા રજા અપાઈ હતી. જ્યારે એક મૃત્યુ નોંધાયું છે. સારી બાબત એ રહી છે કે મૃત્યુનો દર બીજી લહેર જેટલો વધતો નથી, અંકુશમાં છે તે સૂચક છે.