રાત્રિ દરમિયાન વાહનચાલકોને ડિવાઈડર સ્વચ્છ રીતે નજરે નહીં પડતાં મોટા અકસ્માત થવાનો ભય
તસવી-અહમવાલ: દિપક સોલંકી
(વર્તમાન પ્રવાહ ન્યુઝ નેટવર્ક)
ચીખલી, તા.16
ચીખલી-વાંસદા રાજ્યધોરી માર્ગની વચ્ચે બનાવવામાં આવેલી ડીવાઈડરનાં નીચેના ભાગમાં સરકારના લાખો રૂપિયા ખર્ચીને બનાવવામાં આવેલા સફેદ રંગના પટ્ટા (થર્મો પ્લાસ્ટ) ઉપર ધૂળના ઢગલાં જામી જતાં વાહન ચાલકો ખાસ કરીને રાત્રિના સમયે મુશ્કેલીમાં મુકાઈ રહ્યા છે, છતાં સરકારશ્રીનાઅધિકારીઓ આ બાબતે અજાણ હોય તેમ આંખ આડા કાન કરી રહ્યા હોવાની લાગણી પ્રવર્તી રહી છે.
પ્રાપ્ત માહિતી અનુસાર ચીખલી-વાંસદા રાજ્યધોરી માર્ગો ઉપર બનાવવામાં આવેલ ડીવાઈડરનાં નીચેના ભાગમાં સફેદ રંગના પટ્ટા (થર્મો પ્લાસ્ટ) જે રાત્રી દરમ્યાન વાહનોની લાઇટના પ્રકાશમાં વાઇટ પટ્ટા લાઈટના ઉજાશમાં ચમકતા હોય છે અને જેનાથી રસ્તો સાફ દેખાતો હોય છે, પરંતુ અહીં આ થર્મોપ્લાસ્ટના પટ્ટા ઉપર ધૂળના ઢગલાં જામી જતાં વાહનચાલકો માટે અડચણ ઉભી થઈ રહી છે.
ખાસ કરીને રાત્રી દરમ્યાન અવર-જવર કરતા નાના-મોટા વાહન ચાલકોને સફેદ રંગના પટ્ટા નહિ દેખાતા ડિવાઈડરમાં ભટકાઈ જવાનો ડર સતાવી રહ્યો છે અને મોટું નુકસાન સાથે મોટી દુઘર્ટના થવાની ભીતિ સેવાઈ રહી છે. ચીખલી તાલુકામાંથી પસાર થતો રાજ્ય ધોરીમાર્ગ પર રાત્રી દરમ્યાન ચીખલી-વાંસદા-લઈ સાપુતારા સુધી અનેક વાહનો પસાર થતા હોય છે. જેમાંના કેટલાક વાહનો રાત્રી દરમ્યાન મહારાષ્ટના નાસિકથી આવતા વાહનોમાં શાકભાજી તેમજ અન્ય વેપાર અર્થે આવતા વાહનો બીલીમોરા સહિત વેપાર સાથે અકળાયેલા મોટા વાહનો રાત્રી દરમ્યાન ચીખલી-નવસારી-સુરત જેવા મોટા શહેરમા જવા માટે રાત્રી દરમ્યાન નાના-મોટા ભાગના વાહનો ચીખલી તાલુકામાંથી પસાર થતા હોય છે.જ્યારે મોટા વાહન ચાલકો માટે રાત્રિ દરમ્યાન રસ્તાની વચ્ચે મૂકવામાં આવેલ ડીવાઈડરના નીચેના ભાગે સફેદ પટ્ટા (થર્મો પ્લાસ્ટ) જે રાત્રી દરમ્યાન વાહનોની લાઇટના પ્રકાશથી ચમકતો હોય છે પરંતુ અહી વાઇટ પટ્ટા ઉપર ધૂળના ઢગલાં હોવાથી વાઇટ પટ્ટો લાઈટના ઉજાસમાં નહિ ચમકતા બાજુમાં થયેલ ડીવાઈડર બાંધકામ નહિ દેખાતા દુઘર્ટના ઘટવાની નોબત આવી શકે છે.
ચીખલીથી માણેકપોર સુધી રસ્તાની વચ્ચે મૂકવામાં આવેલ ડીવાઈડરના નીચેના ભાગે ધૂળનાં ઢગલા જામી જતાં પાડવામાં આવેલા (થર્મો પ્લાસ્ટ) વાઇટ પટ્ટો વાહન ચાલકોને રાત્રી દરમ્યાન નહિ દેખાતાં મોટી દુઘર્ટના ઘટવાની શકયતા બની શકે છે. જ્યારે ચીખલી માર્ગ અને મકાન પેટા વિભાગના અધિકારી નિદ્રામાંથી જાગી યોગ્ય રીતે ડીવાઈડરની બન્ને સાઇડે સાફ સફાઈ કરાવેએ જરૂરી બન્યું છે.
