(વર્તમાન પ્રવાહ વાપી બ્યુરો) સરીગામ, તા.20
આજે કપરાડા ગ્રામ પંચાયતના સરપંચ તરીકે શ્રીમતી શાંતિબેન બુધાભાઈ મુહૂડકર અને ડેપ્યુટી સરપંચ તરીકે શ્રીમતી સાયકુબેન બાબુભાઈ રડિયાએ વિધિવત કાર્યભાર સંભાળી લીધો હતો.
દેશની આઝાદી પછી પ્રથમ વખત અંતરિયાળ અને આદિવાસી વિસ્તારમાં મહિલાઓને પ્રતિનિધિત્વ મળી રહ્યું છે. આ પ્રસંગે જિલ્લા પંચાયત સભ્ય શ્રીમતી દક્ષાબેન ચેન્દરભાઈગાયકવાડ (સતત બીજી ટર્મ), કપરાડા કારોબારી અધ્યક્ષા શ્રીમતી ધયત્રીબેન અશ્વિનભાઈ ગાયકવાડ, કપરાડાના પૂર્વ સરપંચ, સંગઠન ઉપ પ્રમુખ એ.પી.એમ.સી. ઉપ પ્રમુખ શ્રી ચેંદરભાઈ પાંડુભાઈ ગાયકવાડ, ગ્રામ પંચાયતના સભ્યો અને કાર્યકર્તા ભાઈઓ અને બહેનોએ ખુશીની લાગણી વ્યક્ત કરતા નવનિયુક્ત સરપંચ-ઉપ સરપંચને દિલથી શુભકામનાઓ પાઠવી હતી.