પોલીસ જોઈ જતા ચાલક સહિત ત્રણ જણા ટ્રક છોડી ભાગી ગયા : 15.78 લાખનો મુદ્દામાલ જપ્ત
(વર્તમાન પ્રવાહ વાપી બ્યુરો) વાપી, તા.21
વલસાડ વિસ્તારમાં હાઈવે હોટલ પર પાર્ક કરેલ ટ્રકોમાંથી ડિઝલચોરીનું રેકેટનો પોલીસે પર્દાફાશ કર્યો છે. કપરાડા, માલનપાડા હાઈવે ઉપરથી ટ્રકમાં ચોરીના ડિઝલના ર4 કારબામાં ભરેલ 840 લીટર ડિઝલનો જથ્થો પોલીસે ઝડપી પાડી કાયદેસરની કાર્યવાહી કરી હતી.
કપરાડા પોલીસને મળેલી બાતમી આધારે કપરાડા નાસીક રોડ ઉપર વોચ ગોઠવી હતી. તે દરમિયાન ટ્રક નં.એમ.પી.07-એનબી-2545ને પોલીસે અટકાવવાનો પ્રયત્ન કર્યો હતો. ટ્રક ધરમપુર તરફ ચાલક દોડાવી ગયો હતો. આગળ જંગલ જેવા વિસ્તારમાં ટ્રક છોડી ડ્રાઈવર સહિત ત્રણ ઈસમો જંગલમાં નાસી ગયા હતા.
પોલીસે ટ્રકમાં મળેલ ડિઝલ ભરેલ કારબા નં. 24મા 840 લીટર ડિઝલનો જથ્થો કિ.રૂા. 78 હજાર તથા ટ્રક મળીને 15,78,600 લાખનો મુદ્દામાલ જપ્ત કર્યો હતો. આગળની તપાસ કપરાડા પોલીસ કરી રહી છે.