(વર્તમાન પ્રવાહ, ન્યુઝ નેટવર્ક) વાપી (ચલા), તા.24:
કોરોના વાયરસને ફેલાતો અટકાવવા માટે તા.22 થી તા.29-1-22 સુધી જાહેરનામુ બહાર પાડવામાં આવ્યું છે. જેના અનુસંધાને વાપી ઉદ્યોગનગર પોલીસ ટીમ દ્વારા વાહન ચેકીંગ દરમિયાન વાપી ગુંજન સી ટાઈપ ત્રણ રસ્તા પાસેથી પસાર થઈ રહેલી રીક્ષા નં. જીજે-15 ટીટી-8323 ને અટકાવી તપાસ કરતા ક્ષમતા કરતા વધુ મુસાફરો ભર્યા હતા અને કેટલાક પેસેન્જરોએ માસ્ક પણ પહેરેલ ન હતાં. જેથી પોલીસે રીક્ષાચાલકની પૂછપરછ કરતા ગલ્લા-તલ્લા કરી ઉડાઉ જવાબ આપતા હતા જેથી પોલીસે રીક્ષાચાલક નખડુ ઘોરફેકન ગુપ્તા (ઉં.50, રહે. છીરી, રામનગર, સુભાષ ચાલી, વાપી મૂળ યુપી) ની અટક કરી હતી. એજ રીતે રીક્ષા નં. જીજે-15 એકસએકસ-1106 માં પણ વધુ મુસાફરો ભરેલ હોય જેથી પોલીસે રીક્ષાચાલક શુભમ અજય રાય (ઉં.24, રહે. છરવાડા, હીરાનગર, પ્રભુનારાયણ ચાલી, વાપી મૂળ યુપી) તથા રીક્ષા નં. જીજે-15 એયુ-4364 રીક્ષાચાલક શિવબચ્ચન દૂધનાથ શર્મા (ઉં.36, રહે. રામનગર, ઈમરાન ચાલી, વાપી મૂળ યુપી) નીપણ અટક કરી જાહેરનામાનો ભંગ બદલ ગુનો નોંધી આગળની કાર્યવાહી હાથ ધરી હતી.
