સંઘપ્રદેશ પોલીસ પ્રશાસને ઘટનાની ઊંડી તપાસ કરી આરોપીઓને પાઠ ભણાવવાની આવશ્યકતા
(વર્તમાન પ્રવાહ ન્યુઝ નેટવર્ક) સેલવાસ, તા. 01
સેલવાસ-નરોલીના કેટલાક લીકર માફિયાઓ દ્વારા દારૂની થતી હેરફેરની બાબતમાં ગુજરાત પોલીસને બાતમી આપી હોવાની શંકાથી બાતમીદાર અને તેની પત્નીનું અપહરણ કરી બેરેહમીથી માર મારવાની ઘટનાનો વીડિયો વાયરલ થતા સમગ્ર પંથકમાં ભારે હાહાકાર મચી જવા પામ્યો છે.
પ્રાપ્ત માહિતી પ્રમાણે નરોલી ખાતે આવેલ રોયલ બારનું સંચાલન કરતા શર્મા અને કુખ્યાત બુટલેગર આનંદ રમેશ પટેલ અને તેના સાગરીતોએ મેહુલ નામના વ્યક્તિની બાતમીદાર હોવાની શંકાના આધારે ભારે પીટાઈ કરી હોવાનો વીડિયો વાયરલ થવા પામ્યો છે. મેહુલ અને તેની પત્નીને બંધક બનાવી બેરેહમીથી માર મારતા હોવાના દૃશ્યો પણ દેખાય રહ્યા છે.
અત્રે નોંધનીય છે કે, સંઘપ્રદેશ પોલીસે આ ઘટનાની ઊંડી તપાસ કરી કસૂરવાર તમામઆરોપીઓ સામે સખત કાર્યવાહી કરવી જોઈએ એવી માંગ પ્રબળ બની છે.