March 29, 2024
Vartman Pravah
Breaking Newsગુજરાતચીખલી

ચીખલી-રૂમલાના આંબાપાડા અને ચિકારપાડામાં મોબાઈલ નેટવર્ક નહીં પકડાતા ધારાસભ્‍યને રાવ

(વર્તમાન પ્રવાહ ન્‍યુઝ નેટવર્ક) ચીખલી, તા.04
ચીખલી તાલુકાના રૂમલા ગામના આંબાપાડા અનેચીકારપાડા વિસ્‍તારમાં મોબાઈલ નેટવર્ક નહિ હોવાથી ચીખલી-વાંસદાના ધારાસભ્‍ય શ્રી અનંત પટેલની આગેવાનીમાં સ્‍થાનિકો સાથે મિટિંગ યોજવામાં આવી હતી.
નવનિયુક્‍ત ચીકારપાડા અને આંબાપાડા જે નવા ગામો રૂમલાગામેથી છુટા પડતા આ ગામોમાં મોબાઈલ નેટવર્ક નહિ હોવાની સ્‍થાનિકોની માંગણી માટે ચીખલી-વાંસદાના ધારાસભ્‍ય શ્રી અનંત પટેલની આગેવાનીમાં મિટિંગ યોજવામાં આવી હતી.
સ્‍થાનિકોની વારંવારની માંગણી હોવા છતાં આ વિસ્‍તાર મોબાઈલ નેટવર્કથી વંચિત રહેવા પામ્‍યો હતો. આ વિસ્‍તારના બાળકો ઓનલાઈન શિક્ષણથી વંચિત રહેવા પામ્‍યા હતા. આ મિટિંગમાં ધારાસભ્‍ય શ્રી અનંત પટેલે જણાવ્‍યું હતું કે, આદિવાસી વિસ્‍તાર મોબાઈલ નેટવર્કથી વંચિત રહેવા પામ્‍યો છે.
આવા વિસ્‍તારના વિદ્યાર્થીઓ ઓનલાઈન શિક્ષણથી વંચિત રહી જવા પામે છે. હાલમાં જ આવી રહેલી સરકારી ભર્તિના ફોર્મ પણ ઓનલાઈન ભરવાના હોય એનાથી પણ યુવાનો વંચિત રહી જવા પામી છે.
આ સરકાર આદિવાસી યુવાનોને મોબાઈલ નેટવર્ક પુરૂ પાડતી ન હોય તો આવનાર સમયમાં યુવાનો અને આગેવાનો સાથે રસ્‍તાપર નીકળી આંદોલન કરીશું.
આ કાર્યક્રમમાં નવસારી જિલ્લા કોંગ્રેસ પ્રમુખ શ્રી શૈલેષભાઈ પટેલ, શ્રી મગનભાઈ પટેલ, શ્રી ઈશ્વરભાઈ પટેલ, શ્રી હસમુખભાઈ, શ્રીમગનભાઇ ગાવિત, શ્રી અનિલભાઈ સહિત મોટી સંખ્‍યામાં યુવાનો ભેગા થયા હતા.

Related posts

લાયન્‍સ ક્‍લબ ઓફ પારડી પર્લએ ડોક્‍ટરોનું સન્‍માન કરી ડોક્‍ટર્સ-ડેની કરેલી ઉજવણી

vartmanpravah

વીર બાળ દિવસ ઉપલક્ષમાં દાનહ અને દમણ-દીવ પ્રદેશ ભાજપ પ્રભારી પૂર્ણેશભાઈ મોદીએ વાપી ગુરુદ્વારામાં માથુ ટેકવી શહાદતને યાદ કરી

vartmanpravah

ઉમરગામના કલગામમાં ફરતા પશુ દવાખાનાએ ભેંસનો જીવ ઉગાર્યો

vartmanpravah

દાનહઃ ઉમરકૂઈ સ્‍થિત યુ.ડી.ફાર્મા રબર પ્રોડક્‍ટ્‍સ કંપનીના કામદારો પગાર વધારા મુદ્દે હડતાલ પર ઉતર્યા

vartmanpravah

મનિષ દેસાઈની જગ્‍યાએ દાનહ અને દમણ-દીવ પ્રદેશ ભાજપના મહામંત્રી બનતાં સુનિલ પાટીલ

vartmanpravah

ધરમપુરમાં નવી વિભાગીય વીજ કચેરીનું રાજ્યના નાણાં, ઊર્જા અને પેટ્રોકેમિકલ્સ મંત્રીશ્રી કનુભાઈ દેસાઈના હસ્તે લોકાર્પણ

vartmanpravah

Leave a Comment