225 જેટલા વિદ્યાર્થીઓના ક્લાસરૂમ જર્જરીત, ઓરડા પડુ પડુ થઈ રહ્યા છે
(વર્તમાન પ્રવાહ વાપી બ્યુરો)
વાપી, તા.12: ધરમપુરના વિરવલ ગામે સાર્વજનિક માધ્યમિક શાળા કાર્યરત છે. આ સ્કૂલમાં આદિવાસીઓના 225 જેટલા વિદ્યાર્થીઓ અભ્યાસ કરી રહ્યા છે. પરંતુ વર્ગખંડ એટલા બધા જર્જરીત બની ચુકેલા હોવાથી ચોમાસામાં ટપકતા પાણી વચ્ચે અભ્યાસ કરવા વિદ્યાર્થીઓ લાચાર છે.
ધરમપુર વિસ્તારમાં આવેલ કેટલીક શાળાઓના મકાન જર્જરીત બની ચૂકેલા છે. જિલ્લા પંચાયત શિક્ષણ શાખા દ્વારા વર્ગખંડ જર્જરીત બનેલા છે છતાં સરકાર બેધ્યાન છે. વિરવલ ગામે કાર્યરતમાધ્યમિક શાળાના વર્ગખંડ ધરાશાયી થવાની અણી ઉપર છે. ચોમાસામાં વર્ગખંડમાં પાણી વરસી રહ્યું છે. ભોંયતળીયાની ટાઈલ્સ તૂટી ફૂટી ગઈ છે. આવી કપરી સ્થિતિમાં સરકારના વાંકે બાળકો જોખમી માહોલ વચ્ચે ભણવા મજબુર બની ચૂક્યા છે. વર્તમાન ચોમાસામાં વર્ગખંડ ક્યારે પણ જવાબ દઈ દેશે તેની જવાબદારી કોની? ભારતનું ભાવિ વિકટ સ્થિતિમાં અભ્યાસ કરવા લાચાર છે.