(વર્તમાન પ્રવાહ ન્યુઝ નેટવર્ક) સરીગામ, તા.15
ઉમરગામ તાલુકાની દેહરી પંચાયત હદમાં પડતર પડેલી સરકારી જમીન ઉપર ભૂમાફિયાઓની દાનત બગડી હોવાની કેટલીક ઘટનાઓની ચર્ચા પ્રજામાં જોવા મળી રહી છે. જેમાં તંત્રનુંઇરાદાપૂર્વકનું મોન અને સ્થાનિક આગેવાનો પીઠબળ સરકારી જમીન પર દબાણ કરનારાઓને મળી રહ્યું હોવાનું જણાઈ રહ્યું છે.
સરકારી શિરપડતર અને ગૌચર જમીન ઉપર અતિક્રમણ કરી જમીન પચાવી પાડવાનું ષડયંત્ર ચાલી રહ્યું હોવાનું અનુમાન લગાવાઈ રહ્યું છે. ડેરી તળાવ નજીક સ્ટુડિયોને અડીને આવેલી સરકારી જમીન તેમજ હાઇસ્કુલને અડીને આવેલી જમીનો ઉપર દબાણ થઇ રહી હોવાની ચર્ચાઓ સામે આવી રહી છે.
આ પ્રકરણમાં સ્થાનિક ઓથોરિટી ઉમરગામ મામલતદાર તેમજ તાલુકા વિકાસ અધિકારીએ સ્થળ નિરીક્ષણ કરી વર્તમાન સ્થિતિનો તાગ મેળવી નિયમો અનુસાર કામગીરી હાથ ધરે એવી સ્થાનિકો માંગ ઊભી થવા પામી છે.
