(વર્તમાન પ્રવાહ વાપી બ્યુરો)
વાપી, તા.07: વાપીમાં આવેલ યુપીએલ લિમિટેડ કંપની ખાતે યુપીએલ અને રોટરી કલબ ઓફ વાપીના સંયુક્ત ઉપક્રમે 6 જુલાઈના રક્તદાન કેમ્પનું આયોજન કરવામાં આવ્યું હતું. જેમાં 172 યુનિટ રક્ત એકત્ર કરવામાં આવ્યું હતું. વાપીમાં રોટરી કલબ ઓફ વાપી અને યુપીએલ લિમિટેડના સંયુક્ત ઉપક્રમે છેલ્લા 13 વર્ષથી વર્ષમાં એકવાર બ્લડ ડોનેશન કેમ્પનું આયોજન કરવામાં આવે છે. આ વર્ષે આ આયોજન ભારતીય જનતા પાર્ટીના સંસ્થાપક ડૉ. શ્યામાપ્રસાદ મુખર્જી ના જન્મ દિવસને અનુલક્ષીને ઉજવાઈ રહેલા સેવા પખવાડિયા હેઠળ કરવામાં આવ્યું હતું. આ રક્તદાન કેમ્પનું રાજ્યના નાણાપ્રધાન કનુભાઈ દેસાઈના હસ્તે કરવામાં આવ્યું હતું. યુપીએલ અને રોટરી કલબ ઓફ વાપી દ્વારા આયોજીત આ રક્તદાન કેમ્પ અંગે નાણાપ્રધાન કનુભાઈ દેસાઈએ જણાવ્યું હતું કે, ભારતીય જનતા પાર્ટી દ્વારા તેમના સંસ્થાપક ડૉ. શ્યામાપ્રસાદ મુખર્જીના જન્મદિવસને અનુલક્ષીને ભાજપદ્વારા સેવા પખવાડિયાનું આયોજન કર્યું છે.