(વર્તમાન પ્રવાહ ન્યુઝ નેટવર્ક) સેલવાસ, તા.28
દાદરા નગર હવેલીના પોલીસ વિભાગમાં હોમગાર્ડ તરીકે ફરજ બજાવતા યુવાનનું સવારે પરેડ દરમ્યાન મોત થયુ હતુ.
પ્રાપ્ત વિગત અનુસાર મોહન બારાત રહેવાસી ગલોન્ડા જે પોલીસ વિભાગમા હોમગાર્ડ તરીકે ફરજ બજાવે છે. હાલમા થોડા દિવસથી એસપીના આદેશ અનુસાર પોલીસ વિભાગના અધિકારીઓ અને કર્મચારીઓનું આરોગ્ય સ્વસ્થ અને ફીટ રહે એના માટે દરરોજ સવારે પોલીસટ્રેનિંગ સેન્ટર સાયલી ખાતે સવારે પોલીસ કર્મચારી સાથે હોમગાર્ડની ટીમ પણ પરેડ કરી રહી હતી. તે સમયે અચાનક મોહન બારાતની તબિયત બગડતા એને તાત્કાલિક સારવાર માટે સિવિલ હોસ્પીટલમા લઇ જવામા આવ્યો હતો. પરંતુ ત્યાના ફરજ પરના ડોકટરે એને મળત જાહેર કર્યો હતો.
હાલમા પોલીસ વિભાગ સાથે હોમગાર્ડની ટીમને પણ કામનું ભારણ વધતા માનસિક રીતે અસ્વસ્થ જોવા મળે છે. જેની અસર તેઓના શરીર પર જોવા મળે છે. વધારે પડતા તણાવના કારણે આ યુવાનનું હાર્ટએટેક આવતા મોત થયુ હોવાનું પ્રાથમિક જાણકારી મળી છે યુવાનના અચાનક મોતના કારણે પોલીસ વિભાગમાં પણ શોકની લાગણી જોવા મળી છે.
