(વર્તમાન પ્રવાહ ન્યુઝ નેટવર્ક) સરીગામ, તા.29
ઉમરગામ તાલુકાની તુંબ ગ્રામ પંચાયતની આજરોજ મળેલી સામાન્ય સભામાં ત્રીજીવાર બજેટ ના મંજૂર થતા સરપંચ સહિત શાસક પક્ષની હાલત કફોડી બની જવા પામી છે.
આ અગાઉ ગત તારીખ 19-0ર-2022ના રોજ અને ગત તારીખ 25-03-2022ના રોજ મળેલી સામાન્ય સભામાં વર્ષ 2022-23 ના વર્ષ માટેનું રજૂ થયેલું અંદાજપત્ર ના મંજુર થવા પામ્યું હતું.તુંબ ગ્રામ પંચાયતના સરપંચ શ્રીમતી સુમનબેન નાનુભાઈ ધોડી પાસે સભ્યોની બહુમતી વિરોધ પક્ષ કરતાં ઘણી ઓછી હોવાના કારણે વિરોધ પક્ષને સાથે રાખ્યા વગર બજેટ મંજૂર કરવું ઘણું મુશ્કેલ જણાઈ રહ્યું છે.
આજની મળેલી સામાન્ય સભામાં 11 માંથી 7 સભ્યોએ બજેટની વિરોધમાં મતદાન કરી પક્ષ રજૂ કર્યો હતો. હવે પંચાયતને સુપર સીડ બનતા રોકવા માટે સરપંચશ્રી પાસે અધિકારીઓની મદદથી વધુ એક તક મળવાની શકયતાજણાઈ રહી છે.
