દમણની વૈદિક ડેન્ટલ કોલેજ ચેરમેન પદ્મશ્રી ડો. એસ.એસ.વૈશ્યના માર્ગદર્શન અને એક્ઝિક્યુટીવ સેક્રેટરી અસ્પી દમણિયાના પ્રયાસથી પ્રગતિના અનેક સોપાનો સર કરી રહી છે
(વર્તમાન પ્રવાહ ન્યુઝ નેટવર્ક) દમણ, તા.10
શનિવારે દમણની વૈદિક ડેન્ટલ કોલેજના વાર્ષિક મહોત્સવની ઉજવણી શ્રી સ્વામી વિવેકાનંદ ઓડિટોરીયમમાં સાંસદ શ્રી લાલુભાઈ પટેલ, દમણ કોસ્ટગાર્ડના ડીઆઈજી શ્રી વાજપેયી, દમણ ન.પા.ના ચીફ ઓફિસર શ્રી અરુણ ગુપ્તા, પ્રદેશ ભાજપ પ્રમુખ શ્રી દીપેશભાઈ ટંડેલ તથા દમણ જિલ્લા પંચાયતના પ્રમુખ શ્રી નવિનભાઈ પટેલની ઉપસ્થિતિમાં કરવામાં આવી હતી.
દમણની વૈદિક ડેન્ટલ કોલેજની વિદ્યાર્થીની કુ.પૂજા સમગ્ર યુનિવર્સિટીમાં ટોપર રહી હતી અને કુ.ખુશીએ યુનિવર્સિટીમાં ત્રીજો નંબર મેળવતા તેમને ટ્રોફી અને સર્ટિફિકેટ આપી સન્માનિત કરાયા હતા.
વૈદિક ડેન્ટલ કોલેજના વિસ્તાર અને વિકાસ માટે એક્ઝિકયુટીવ સેક્રેટરી શ્રી અસ્પી દમણિયા ખુબ જ પ્રયાસરત રહે છે અને ચેરમેન પદ્મશ્રી ડો. એસ.એસ.વૈશ્યના માર્ગદર્શનમાં વૈદિક ડેન્ટલ કોલેજ પ્રગતિના અનેક સોપાનો સર કરી રહી છે. આ પ્રસંગે ડીઆઈએના પ્રમુખ શ્રી પવનઅગ્રવાલ, ભાજપના શ્રી પ્રકાશભાઈ ટંડેલ સહિત કાઉન્સિલરોની ખાસ ઉપસ્થિતિ રહી હતી.
