(વર્તમાન પ્રવાહ ન્યુઝ નેટવર્ક) દમણ, તા.10
આજે ભગવાન રામના પ્રાગટય દિન નિમિત્તે સમગ્ર દમણ રામમય બની ગયું હતું. ભગવાન રામની શોભાયાત્રામાં સંપૂર્ણ દમણ ઉમટી પડયું હતું અને રામરસમાં મગ્ન બન્યું હતું.
પ્રાપ્ત માહિતી પ્રમાણે આજે ભગવાન રામની શોભાયાત્રાનું ઠેર-ઠેર ભાવભક્તિપૂર્ણ રીતે સ્વાગત અને સન્માન કરવામાં આવ્યું હતું. સાંસદ શ્રી લાલુભાઈપટેલ, પૂર્વ સાંસદ શ્રી ગોપાલભાઈ કે.ટંડેલ(દાદા), પ્રદેશ અધ્યક્ષ શ્રી વિશાલભાઈ ટંડેલ, શ્રીમતી સિમ્પલબેન કાંટેલા સહિત તમામ રામભક્તો રામધૂન સાથે ભગવાન રામની શોભાયાત્રામાં જોડાયા હતા.
દરમિયાન તમામ અગ્રણીઓએ ભગવાન રામની મહાઆરતીમાં ભાગ લઈ પૂજા-અર્ચના કરી ભગવાર શ્રીરામના આર્શીવાદ મેળવ્યા હતા.
