(વર્તમાન પ્રવાહ ન્યુઝ નેટવર્ક) સેલવાસ, તા.18
સેલવાસ યુથ ક્લબના પ્રમુખ અને ભાજપા સીટી યુવા મોરચાના પ્રમુખની અધ્યક્ષતામાં મૂકબધીર યુવાનો માટે ક્રિકેટ ટૂર્નામેન્ટનું આયોજન કરવામા આવ્યું હતું.
જેનું ઉદ્ઘાટન પ્રદેશ ભાજપા સંગઠન મહામંત્રી શ્રી વિવેક દાઢકરના હસ્તે કરવામા આવ્યું હતું. આટૂર્નામેન્ટમા પાંચ ટીમો સેલવાસ, વાપી, વલસાડ, નવસારી અને સુરતની ટીમોએ ભાગ લીધો હતો.
આ ટૂર્નામેન્ટમાં વલસાડની ટીમ વિજેતા બની હતી અને સુરતની ટીમ રનર્સઅપ બની હતી. વિજેતા અને રનર્સઅપ ટીમને ટ્રોફી અને પ્રોત્સાહિત ઈનામ આપવામા આવ્યા હતા. આ અવસરે ભાજપા સંગઠન મહામંત્રી શ્રી વિવેક ધાડકર, યુથ ક્લબના પ્રમુખ શ્રી હાર્દિક પૂજારી, ઉપ પ્રમુખ શ્રી નિતેશ મોહિતે, મહામંત્રી શ્રી મનિષ દેસાઈ સહિત પદાધિકારીઓ ખેલાડીઓ ઉપસ્થિત રહ્યા હતા.
