(વર્તમાન પ્રવાહ ન્યુઝ નેટવર્ક) સેલવાસ, તા.02
કેન્દ્ર શાસિત પ્રદેશ દાદરા નગર હવેલીમાં વિવિધ સ્પર્ધાઓમાં ભાગ લીધા બાદ ઈન્ડિયા બુક ઓફ વર્લ્ડ રેકોર્ડમાં પ્રથમ સ્થાન પ્રાપ્ત કરી સેલવાસના યુવાને પ્રદેશનું નામ રોશન કર્યું છે.
સેલવાસના આમલી બાલાજી સોસાયટીમાં રહેતા અને એક કંપનીમાં નોકરી કરતા શ્રી સચિન શીધ્યા ખ્યાડે જે પોતાની કળા હાથોથી બનાવેલ મોટી મોટી રંગોળીની પેઈન્ટિંગથી દરેકનું મન મોહીત કરનાર તેમણે પ્રદેશનું નામ રોશન કર્યું છે. તેમને ઈન્ડિયાયા બુક ઓફ વર્લ્ડ રેકોર્ડમાં પ્રથમ સ્થાન પ્રાપ્ત મળ્યું છે.
યુવાન મહારાષ્ટ્રથી સેલવાસ આવી એક કંપનીમાં કામ કરી દાનહ તરફથી રંગોળી સ્પર્ધામાં ભાગ લઈ 36 ફૂટ મોટી રંગોળી બનાવી તેમણે આ વિક્રમ પ્રાપ્ત કર્યો છે. આ પેઈન્ટિંગને સજાવવા માટે તેમણે દાનહની સુપ્રસિદ્ધ આદિવાસી વારલી પેઈન્ટિંગનો પણ સહારો લીધો હતો જે આપણા પ્રદેશ માટે ગર્વની વાત છે. આ યુવાને છત્રપતિ શિવાજી મહારાજની જન્મ જયંતિ નિમિતે શિવાજી ચોક પર તેમજ કોઈપણ જાહેર કાર્યક્રમ હોય ત્યાંતેઓ મોટી મોટી રંગોળી જાતે જ બનાવે છે. શ્રી સચિનને દાનહના એસ.પી. શ્રી હરેશ્વર સ્વામીના હસ્તે એવોર્ડ આપવામાં આવ્યો હતો. આ અવસરે મહારાષ્ટ્ર જનસેવા સંગઠનના અધ્યક્ષ શ્રી સુનિલ મહાજન, સચિવ શ્રી સુનિલ પાટીલ પણ ઉપસ્થિત રહ્યા હતા. મહારાષ્ટ્ર જનસેવા સંગઠન અને પ્રદેશ તરફથી સચિનને શુભેચ્છા પાઠવવામાં આવી હતી.
