ગ્રામજનોએ સોશિયલ મીડિયામાં વિડીયો વાયરલ કરતા ચકચાર મચી
(વર્તમાન પ્રવાહ વાપી બ્યુરો)
વાપી, તા.29: વલસાડ નજીક આવેલ ચણવઈ ગામમાંથી વહેતી ગંદી નહેરના પાણીમાં આજે ટેમ્પો ભરીને શાકભાજી ધોવામાં આવી રહેલા ગ્રામજનોએ ઘટનાનો વિડીયો વાયરલ કરતા ચકચાર મચી જવા પામી હતી.
ખાદ્ય પદાર્થોની ભેળશેળ કૃત્રિમ રીતે ઈન્જેકશન આપી ફળો પકવવાની ઘટનાઓ સતત બનતી રહે છે તેમાં વધુ એક ઘટના ઉમેરાઈ છે. વલસાડ ચણવઈ ગામે વહેતી ગંદી નહેર પાસે કેટલાક લોકો ટેમ્પો ભરીને શાકભાજી લઈને આવ્યા હતા. આ શાકભાજીને ગંદા પાણીથી ધોતા હતા તેની જાણ ગ્રામજનોને થતા જાગૃત ગ્રામજનોએ વિડીયો ઉતારી લીધો હતો. વિડીયો સોશિયલ મીડિયામાં વાયરલ થતા જ સમગ્ર વિસ્તારમાં ચકચાર સાથે ફીટકાર શરૂ થઈ ગયો હતો. શાકભાજી ધોનારાઓમાં લોક ચર્ચા મુજબ સલમા, આદીલ, ફરહાન અને ઈસ્માઈલ નામના ઈસમો હતા. સ્વાસ્થ્ય સાથે ચેડા કરનારાઓ સામે પગલા ભરવાની માંગ ઉઠી છે.
